«Zakryjem hetuju temu». Muzyčny pradziusier z Ukrainy padčas vajny praciahvaje pracavać na BT razam z Buzavaj i Pryhožynym
Były muzyčny pradziusier ukrainskaha «X-faktara» pracuje ŭ šou «Faktar.baj» na BT, choć dapamahaŭ ładzić kancerty na karyść Ukrainy.
Viadoŭcy jutub-šou «O(b)suždajem» zaŭvažyli, što ŭkrainski muzyčny pradziusier Mikałaj Sosin praciahvaje supracoŭničać ź Biełteleradyjokampanijaj. Pry hetym pradziusier troch siezonaŭ biełaruskaha «X-faktara» niekalki razoŭ vyjazdžaŭ u Jeŭropu, dzie dapamahaŭ ukrainskim sielebryci ładzić dabračynnyja kancerty dla zboru srodkaŭ na patreby Ukrainy i jaje armii.
U abodvuch vypadkach Sosin dapamahaŭ ukrainskim zorkam źbirać hrošy dla Ukrainy i USU, adznačyli viadoŭcy šou «O(b)suždajem».
Mikałajem Sosinym taksama zacikavilisia žurnalisty z bujnoha ŭkrainskaha partała «MUZVAR». Jany paćvierdzili infarmacyju. A paśla patelefanavali Sosinu i spytali u jaho, jakim čynam były muzyčny pradziusier 7 siezonaŭ ukrainskaha «X-faktara» i były redaktar ukrainskaha nacyjanalnaha adboru na «Jeŭrabačańnie» paśla pačatku vajny prymudrajecca dapamahać USU i adnačasova pracavać na BT razam z takimi asobami, jak pravajenny repier Siaroha, Rusłan Alachno, Volha Buzava, Iosif Pryhožyn i inšyja.
Charakterna, što Sosin usio jašče ličycca kiraŭnikom i zasnavalnikam ukrainskaj muzyčnaj studyi TataMusic, jakaja i ciapier aktyŭna dapamahaje ŭkrainskim artystam stvarać pieśni i vydavać ich praz ukrainskija łejbły», — padkreślili žurnalisty partała «MUZVAR».
Sutnaść šou prostaja: talenavityja ludzi prychodziać na prasłuchoŭvańni, sudździ abirajuć najbolš prydatnych, paśla peŭny čas vučać budučych zorak tajamnicam śpievaŭ — i pad kožny novy vypusk pieradačy ładziać kancerty. Paśla kožnaha z vystupaŭ najmienš rejtynhavyja ŭdzielniki «Ch-faktar» pakidajuć. I tak praciahvajecca niekalki dziasiatkaŭ vypuskaŭ, pakul nie vyznačajecca pieramožca.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary