U Francyi pakazali film z hrubymi replikami Žerara Depardjo. I ŭ krainie vybuchnuŭ skandał
Samy viadomy francuzski akcior Žerar Depardjo znoŭ trapiŭ pad novy škvał krytyki paśla vychadu televizijnaha dakumientalnaha filma, u jakim jon nieprystojna vykazvajecca na adras žančyn.
U prahramie, jakaja vyjšła ŭ čaćvier, 74-hadovy akcior paŭstaje apantanym seksam padčas zdymak u Paŭnočnaj Karei ŭ 2018 hodzie, piša Bi-bi-si.
Na kadrach, pa ŭsim vidać, uziatych z materyjału pra toje, jak zdymaŭsia sam dakumientalny film, akcior nieadnarazova stavić svaju pierakładčycu ŭ niajomkaje stanovišča takimi kamientarami, jak:
«Ja važu 124 kiłahramy. Biez erekcyi. Z erekcyjaj maja vaha 126 kiłahramaŭ».
U inšym epizodzie jon kaža pry joj: «U mianie ŭ trusach belka».
Jaho taksama źniali ŭ stajni, dzie jon pramaŭlaŭ frazy seksualnaha charaktaru pra toje, čamu, jak jon ličyć, žančynam padabajecca katacca viercham na kani.
Prahrama, jakaja źjaŭlajecca častkaj sieryi Complément d'enquête (dalejšaje rasśledavańnie) na kanale France 2, vykarystoŭvaje hety materyjał dla padmacavańnia abvinavačvańniaŭ u seksualnych damahańniach u adras Depardźjo, vystaŭlenych niadaŭna niekalkimi žančynami, jakija pracujuć u kinaindustryi.
Jon abviarhaje abvinavačvańni, zajaŭlajučy, što jany ŭstupili ŭ seksualny kantakt pa ŭzajemnaj zhodzie. Pieršapačatkova palicyja źniała abvinavačvańnie z-za adsutnaści dokazaŭ zhvałtavańnia. Ale sprava była znoŭ adkryta paśla apielacyi, a Arno zajaviła, što jana znachodziłasia pad jaho emacyjnym «kantrolem».
Try miesiacy tamu była zaviedziena druhaja sprava, paśla taho jak aktorka Elen Daras abvinavaciła Depardjo ŭ tym, što jon nieprystojna kranaŭ jaje ŭ 2007 hodzie padčas zdymak filma «Dyskateka». U prakuratury zajavili, što sprava moža być spynienaja, bo hetyja padziei adbylisia zanadta daŭno.
U televizijnym dakumientalnym filmie fihuravali i inšyja žančyny, jakija raspaviadali pra toje, što kali Depardjo byŭ na zdymačnaj placoŭcy, tam stvarałasia seksualizavanaja atmaśfiera, i pra toje, što jany byli mišeńniu jaho insinuacyj.
Jany skazali, što z-za jaho zornaha statusu ŭsie vakoł maŭčali, a heta aznačała, što jaho nikoli nie praviarali.
Dziacinstva chulihana i lehienda
U Depardjo, jaki naradziŭsia ŭ horadzie Šataru ŭ centralnaj Francyi ŭ 1948 hodzie, było ciažkaje dziacinstva. Ale ŭ pačatku 1970-ch hadoŭ jon pryjechaŭ u Paryž, dzie vyjaviŭsia jaho akciorski talent.
Jon źniaŭsia ŭ bolš čym 200 filmach, i jaho bačyli bolš francuzskich kinahledačoŭ, čym luboha inšaha akciora, za vyklučeńniem Łui de Fiuniesa.
Stvaralniki dakumientalnaha filma taksama rasśledavali śćviardžeńnie, pieršapačatkova vysunutaje samim Depardjo, pra toje, što va ŭzroście dzieviaci hadoŭ jon braŭ udzieł u «zhvałtavańniach» u Šataru.
Upieršyniu akcior skazaŭ pra heta ŭ intervju ŭ 1978 hodzie, zatym jon paŭtaryŭ hetuju infarmacyju časopisu Time u 1991 hodzie, kali Depardjo vyłučaŭsia na «Oskar» za film «Sirano de Bieržerak».
U toj čas u Francyi kazali, što artykuł u Time, u pryvatnaści, nastroiŭ suprać jaho žury «Oskara».
Dva siabry dziacinstva Depardjo paćvierdzili, što ŭ 1950-ja hady jon ličyŭsia légèr voyou (drobnym chulihanam) i što seks biez zhody ŭ toj čas byŭ zvyčajnaj spravaj.
Ale brat Depardjo Alen u suviazi z hetym adznačyŭ: «Jon raspaviadaŭ tak šmat historyj. Jon stvaraŭ lehiendu — ci, moža być, my zrabili heta za jaho — jakaja pradstaviła jaho značna bolš surjoznym złačyncam, čym jon byŭ na samaj spravie».
Pradstaŭnicy fieminisckaha ruchu ŭžo niekalki hadoŭ pilna sočać za Depardjo, z taho času, jak pačała nabirać abaroty kampanija MeToo.
U krasaviku ŭ anłajn-rasśledavańni vydańnie Médiapart pracytavała 13 žančyn (niekatoryja ź ich vystupili ananimna), jakija abvinavacili jaho ŭ nieprystojnych pavodzinach. Heta prymusiła jaho admianić publičnyja vystupy.
U kastryčniku Depardjo adreahavaŭ u adkrytym liście ŭ hazietu Le Figaro.
«Usio svajo žyćcio ja pavodziŭ siabie pravakacyjna, «praz kraj», časam byŭ hrubym, — skazaŭ jon. — Ja časta rabiŭ toje, na što inšyja nie advažvalisia: adčuvaŭ miežy prymalnaha, zakranaŭ ahulnapryniatyja pohlady… ale ja nie hvałtaŭnik i nie drapiežnik».
Paśla prahladu dakumientalnaha filma były ahient Depardje Žan-Łui Livi zajaviŭ: «Niemahčyma hladzieć hetyja intervju, nie adčuvajučy hłybokaha dyskamfortu i supieražyvańnia hetym ludziam … ale toje, što było pakazana, — heta tolki adzin bok historyi. Heta pakazalny praces u ŚMI».
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary