Što prapanuje hałoŭny futbolny načalnik u śviecie?
Prezident Mižnarodnaj fiederacyi futboła (FIFA) Džani Infancina zaklikaŭ aŭtamatyčna zaličvać techničnuju parazu kamandam, zaŭziatary jakich buduć vykrykvać z trybun rasisckija abrazy ŭ adras ich supiernikaŭ, piša Bi-bi-si.
Zajava Infancina źjaviłasia, jak jon vykazaŭsia, paśla «zusim ahidnych» incydentaŭ, jakija adbylisia ŭ subotu na matčach italjanskich kłubaŭ «Udyneze» z «Miłanam» i anhlijskich kłubaŭ «Šefiłd Uensdej» i «Kovientry Sici» (heta kamandy druhoha dyvizijonu čempijanatu Anhlii).
Infancina napisaŭ u sacsietcy Ch, što, na jaho dumku, nieabchodna zaličvać «aŭtamatyčnyja techničnyja parazy kamandam, zaŭziatary jakich dazvalajuć sabie rasisckija abrazy…, taksama jak i zabaranić takim kamandam hulać na stadyjonach pa ŭsim śviecie».
«FIFA i futboł vykazvajuć poŭnuju salidarnaść z achviarami rasizmu i luboj formy dyskryminacyi. Raz i nazaŭždy: nie rasizmu! Nie luboj formie dyskryminacyi! Subotnija padziei ŭ Udyna i Šefiłdzie zusim ahidnyja i absalutna nieprymalnyja. Paciarpiełyja futbalisty karystajucca majoj vialikaj padtrymkaj», — napisaŭ kiraŭnik FIFA.
Matč italjanskich kłubaŭ, u jakim pieramoha dastałasia «Miłanu», byŭ nienadoŭha prypynieny paśla taho, jak zaŭziatary «Udyneze» pačali vykrykvać rasisckija abrazy ŭ adras bramnika «Miłana», uradženca Francuzskaj Hvijany Majka Mieńjana.
Matč adnaviŭsia prykładna praz 10 chvilin. U intervju telekanałam hrupy Sky Italia Mieńjan skazaŭ, što chacieŭ by vielmi strohich sankcyj, «bo razmovy ničoha nie dajuć».
«My pavinny pakazać im, što tak pastupać nielha. Havorka idzie nie pra ŭsich zaŭziataraŭ, bolšaść ź ich padbadziorvaje svaju kamandu i trolić kamandu supiernikaŭ, i heta narmalna. Ale rasizm nieprymalny», — skazaŭ jon.
Paźniej jon napisaŭ u svaim akaŭncie ŭ Instagram, u jakoha 1,6 miljona padpisčykaŭ, što adkaznaść za takija pavodziny pavinna lažać na ŭsich — ad zaŭziataraŭ da administracyi i ŭładalnikaŭ kłubaŭ.
«Tyja zaŭziatary, jakija byli na trybunach, jakija ŭsio heta bačyli i čuli, ale vyrašyli pramaŭčać, vy — saŭdzielniki», — zajaviŭ jon.
Mieńjana padtrymaŭ i sam «Miłan», i inšy miłanski kłub — «Inter».
Paŭabaronca «Kovientry Sici» Kiejsi Pałmier zajaviŭ, što padvierhnuŭsia anałahičnym abrazam na stadyjonie Chiłsbara ŭ Šefiłdzie, dzie jaho kamanda taksama atrymała pieramohu nad haspadarami pola.
Hety matč taksama byŭ prypynieny na niekalki chvilin.
Uładalnik «Kovientry Sici» Dah Kinh zajaviŭ, što kłub całkam i całkam padtrymlivaje svajho hulca. Takim pavodzinam niama miesca ni ŭ futbole, ni ŭ hramadstvie. My padtrymajem rašeńnie pryniać samyja rašučyja miery», — dadaŭ jon.
Adnak sam Pałmier skazaŭ, što nie vielmi vieryć, što situacyja ŭ futbole moža źmianicca.
«Rasizm — heta hańba, — napisaŭ jon u sietcy Ch, — … jaho nie pavinna być ni ŭ žyćci, ni ŭ futbole. U mianie čornaja skura, i ja hetym hanarusia. U hetym honary i ja vychoŭvaju i svaich dziaciej. Ale, ščyra kažučy, mnie zdajecca, što ničoha nie źmienicca, jak by my ni staralisia. Para fanataŭ, jakija uchajuć jak małpy, nadvorja nie robiać, i ja dziakuju ŭsim tym, chto vykazaŭ mnie luboŭ i padtrymku».
Palicyja Paŭdniovaha Jorkšyra pačała rasśledavańnie i zajaviła, što «budzie supracoŭničać z kłubami, kab razabracca ŭ abstavinach i vyjavić datyčnych asob».
«Šefiłd Uensdiej» paćvierdziŭ, što ŭ incydencie zamiašanyja jaho zaŭziatary i zajaviŭ, što lubomu pryznanamu vinavatym čałavieku pahražajuć «samyja strohija sankcyi».
Antydyskryminacyjnaja dabračynnaja arhanizacyja Kick It Out taksama vykazałasia ŭ padtrymku Pałmiera i Mieńjana.
«I ŭłady, i kłuby pavinny pakarać vinavatych, a kali kłuby takija pavodziny nie vykaraniać, to jany taksama sutyknucca z nastupstvami, — havorycca ŭ jaje zajavie. — My padtrymlivajem bolš strohija i značnyja miery, prapanavanyja FIFA. Sami hulcy hetuju prablemu nie vyrašać … im patrebna padtrymka spravaj, a nie słovami».
Brat udavy Zielcara: Kadebisty išli ŭ kvateru pa mianie1
Kamientary