Dziaržtelekanał vyrašyŭ paŭdzielničać u raspaŭsiudzie prapahandysckaha naratyvu pra sieparatyzm amierykanskaha štata Techas i apublikavaŭ fejkavy skrynšot — nibyta dopis Iłana Maska ŭ X, piša «Lusterka».
U tekście paviedamleńnia śćviardžajecca, što Mask apublikavaŭ samyja papularnyja paviedamleńni ŭ sacsietcy X ad rasijan — i siarod ich nibyta akazalisia pasty z frazami «Techas naš» i «Pindosy, što ź ja***m?».
Nasamreč Mask takoha nie pisaŭ, a skrynšot raspaŭsiudžvajecca ŭ rasijskich sacsietkach i prapahandysckich telehram-kanałach. Ranicaj 27 studzienia, naprykład, jon źjaviŭsia na kanale «Takier Karłson na russkom i druhije».
Sam Mask, padobna, nie ŭchvalaje pavodzin prezidenta ZŠA Džo Bajdena. Ale ŭ jaho profili X hetaje niezadavalnieńnie vyjaviłasia ŭ dvuch repostach i dźviuch frazach. Heta videa ź mihrantami, što biahuć, la amierykanskaj miažy z podpisam «Na ciapierašni momant heta biassprečna» i list dvuch byłych ahientaŭ FBR, jakija krytykujuć palityku Bajdena pa adkrytych miežach — z podpisam «Vielmi tryvožna».
u Techasie i inšych paŭdniovych štatach ZŠA praciahvajecca kryzis, źviazany ź mihracyjaj. Kraina sutyknułasia ź biesprecedentnaj chvalaj mihrantaŭ, jakija prybyvajuć praz paŭdniovuju miažu. Na hetym fonie ŭ rasijskich ŚMI i sacsietkach raspaŭsiudžvajucca čutki pra mahčymaje adździaleńnie Techasa ad ZŠA. Jurydyčna takoje niemahčyma.
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary