Pavieł Usaŭ: Nikoli nie krytykavaŭ Cichanoŭskuju, bo jana taho nie vartaja
U intervju «Jeŭraradyjo» palityk Pavieł Usaŭ, adzin ź lidaraŭ ruchu «Volnaja Biełaruś», asprečyŭ śćviardžeńnie, što jon vystupaje z krytykaj Śviatłany Cichanoŭskaj. Jana, na jahonuju dumku, krytyki nie vartaja, bo pazbaŭlenaja lidarskich jakaściaŭ.
«Cichanoŭskuju niepasredna jak takuju ja nie krytykuju nikoli i nikoli nie krytykavaŭ, bo razumieju, što Śviatłana Cichanoŭskaja nie maje tych nieabchodnych jakaściaŭ lidarskich, jakija mahli b paŭpłyvać na farmiravańnie efiektyŭnych struktur.
Jaje dziejańni, jaje słovy — heta reakcyja tych dziejańniaŭ i słovaŭ, jakija farmirujucca ŭ jaje atačeńni. Ja krytykuju struktury, a nie piersony, i tych ludziej, jakija adkazvajuć za farmiravańnie i funkcyjanavańnie hetych struktur».
Usaŭ ličyć, što
«dziejnaść hetych struktur na siońniašni dzień nieefiektyŭnaja. Jany zajmajucca ŭsim, čym zaŭhodna, ale nie zajmajucca raspracoŭkaj niejkich realnych stratehičnych krokaŭ raźvićcia hetych struktur».
Palityk pryznaŭsia, što ličyć siabie i adnym z saaŭtaraŭ idei Abjadnanaha pierachodnaha kabinieta i padtrymlivaje na idejnym uzroŭni Kaardynacyjnuju radu. Adnak realizacyja i adnoj, i druhoj idei idzie nie tak, jak naležyć.
Tur patłumačyŭ, što Łukašenka mieŭ na ŭvazie, kažučy pra pryznačeńnie dyrektaraŭ u pryvatnyja kampanii4
Kamientary