Uładalnik klinik «Novy zrok»: Ja jechaŭ na sud u Biełaruś, ale mianie zatrymaŭ Interpoł
Uładalnik klinik «Novy zrok» Aleh Kaŭryhin raskazaŭ u intervju «Niamieckaj chvali», jak aceńvaje vyniki suda, a taksama jak i za što jaho zatrymaŭ Interpoł.
U lipieni minułaha hoda miedcentr pazbavili licenzii. Jaho siarod inšaha abvinavačvali ŭ tym, što dla atrymańnia licenzii byli pradastaŭleny padroblenyja dakumienty ź niedakładnymi źviestkami ab adkaznych asobach, jakija nie pracavali ŭ arhanizacyi, u tym liku daktary. U vyniku za niezakonnuju pradprymalnickuju dziejnaść «Novy zrok» aštrafavali na 500 bazavych vieličyń (20 tys. rubloŭ), a stoadsotkavaja kanfiskacyja dachodaŭ, atrymanych ad niezakonnaj pradprymalnickaj dziejnaści, składaje 17 młn rubloŭ (pakolki termin administracyjnaha spahnańnia abmiežavany tryma hadami, razhladali dachod miedcentra za 2022 hod).
U intervju «Niamieckaj chvali» Kaŭryhin adznačyŭ, što likvidacyjnaja kampanija prysłali aficyjnuju zajavu ab admovie pradstaŭlać intaresy kliniki. Na sud, jaki adbyŭsia 20 sakavika, nichto nie zjaviŭsia.
Jak aceńvaje vyniki suda
Havoračy pra vyniki suda, Kaŭryhin adznačaje: «Meta ludziej, jakija heta pravodziać, jak maha nižej acanić aktyvy, kanfiskavać i pradać potym svaim ludziam. Kali ciapier (a ja baču, što ŭžo biessensoŭna praciahvać niejkija sudovyja pasiadžeńni) my ničoha nie zmožam zrabić, to kliniku «Novy zrok» i ŭsie jaje aktyvy kanfiskuje dziaržava. <…>
Tak jak likvidataraŭ niama, matyvavanaj častki rašeńnia (na padstavie čaho pryniata heta rašeńnie) my nie možam atrymać i, adpaviedna, padać u nieabchodnyja terminy (10 dzion) niejkuju skarhu. Adpaviedna, rašeńnie aŭtamatyčna ŭstupić u siłu».
Ale Kaŭryhin nie źbirajecca zdavacca i płanuje źviartacca ŭ mižnarodnyja sudy, naprykład, u haspadarčy sud u Haazie.
«Kali nie atrymajecca znajści ŭpravu ŭ biełaruskich sudach, ja pajdu dalej. Ja chaču mieć vyjhranyja sudy. Tyja, jakija prymusiać ich padparadkavacca rašeńniam mižnarodnych sudoŭ i vykanać usie abaviazacielstvy».
Jak Kaŭryhina zatrymaŭ Interpoł
Uładalnik «Novaha zroku» raskazaŭ, što pasprabavaŭ 19 sakavika trapić u Biełaruś, bo heta byŭ «apošni šanc vyratavać aktyvy», ale jaho zatrymaŭ Interpoł:
«Ja nie znachodziŭsia na terytoryi, blizkaj da Biełarusi. Na šlachu na miažu z Polščaj ja byŭ zatrymany na padstavie taho, što znachodžusia ŭ čyrvonym liście Interpoła. U im skazana, što pa artykuły 243 (uchileńnie ad vypłaty padatkaŭ u Biełarusi) asabista ja, jaki nikoli nie pavinien płacić padatki ŭ Biełarusi, bo tam nie žyvu i nie zjaŭlajusia padatkovym rezidentam, pavinien być padvierhnuty aryštu i ekstradycyi ŭ Biełaruś».
Paźniej jon nazyvaje heta «pramoj falsifikacyjaj, ździejśnienaj dziaržaŭnym orhanam» i dadaje: «jany cudoŭna razumieli, što rabili. Jany vykonvali ŭkazańnie Kamitetu dziaržaŭnaj biaśpieki».
Kaŭryhin śćviardžaje, što nie viedaŭ, što znachodzicca ŭ śpisie Interpoła.
«Ułady Biełarusi vydatna viedajuć, dzie ja žyvu. Ja žyvu ŭ Vilni i nie mianiaŭ svajho miesca žycharstva. Heta nie pieršy pieraśled. Jak ja raniej kazaŭ, užo było try kryminalnyja spravy z boku Biełarusi, jakija skončylisia zakryćciom z-za adsutnaści składu złačynstva ŭ toj čas, kali pracavała sistema pravasudździa, kali možna było pryjści advakatu, zadać pytańni i atrymać adkazy.
Ciapier sistemy pravasudździa ŭ Biełarusi niama. Mnie nichto nie paviedamiŭ, što suprać mianie zaviedziena niejkaja sprava. Ja byŭ absalutna ŭ niaviedańni, što suprać mianie niejkija kankretnyja spravy isnujuć. Tolki sa słovaŭ niejkich śviedkaŭ ja čuŭ niejkija pahrozy, ale dakumientaŭ, jakija b paćviardžali, što na mianie zaviedziena kryminalnaja sprava, ja nie bačyŭ».
Tamu Kaŭryhin vyrašyŭ pryjechać u Biełaruś.
Jak atrymałasia vyzvalicca
Pa słovach mužčyny, heta zatrymańnie zjaŭlajecca narmalnaj praktykaj dla Interpoła. Kaŭryhin tłumačyć: «Jon nie praviaraje danyja, jakija jamu dajuć. I niama takoj techničnaj mahčymaści. Jon daviaraje kampietentnym orhanam dziaržaŭ, ź jakimi pracuje, i, atrymlivajučy infarmacyju, aŭtamatyčna vykonvaje svaju rabotu.
Isnuje peŭnaja pracedura. Kali praviarajecca pašpart čałavieka i vyśviatlajecca, što jon znachodzicca na kantroli Interpoła i [majucca] zapyty Biełarusi adnosna hetaha čałavieka, jaho aryštoŭvajuć, pravodziać nieabchodnyja pracedury (adbitki palcaŭ, miedyčny ahlad) i źmiaščajuć u izalatar časovaha ŭtrymańnia.
Dajuć dostup advakatam, kali jany jość (u dadzienym momancie byŭ advakat). I dajuć mahčymaść pravieści sud, jaki vyznačyć, ci pakidać čałavieka pad vartaju, ci isnujuć vialikija sumnievy ŭ tym, što aficyjny zapyt zjaŭlajecca lehitymnym.
Čałavieka mohuć pakinuć da dvuch miesiacaŭ pad vartaju i dakazvać svaju pravatu z-za krataŭ ci, jak u maim vypadku, heta adbyłosia za adzin dzień. Sud, vysłuchaŭšy maje arhumienty, pabačyŭšy adsutnaść navat niejkaj minimalnaj prablemy, mianie adpuściŭ».
Kaŭryhin raspaviadaje, što ciapier vymušany vyrašać pytańnie ab źniaćci ź siabie sankcyj Interpoła.
«Ja składu pakiet dakumientaŭ, pradstaŭlu ich u Interpoł, i maja palityčnaja sprava — a heta realna palityčnaja sprava, bo tut užo nie idzie razmova ni pra jakuju ekanomiku, jany chočuć zatknuć rot — budzie razhledžana
i na praciahu peŭnaha pieryjadu (a heta zajmaje dastatkova praciahły čas, dumaju, miesiacy čatyry minimum), mianie źnimuć z kartački Interpoła nazaŭsiody i nie buduć prymać adnosna mianie zapyty ź Biełarusi, tamu što heta niezakonna».
«Dobra, što heta (zatrymańnie. — NN) adbyłosia za miežami Biełarusi. Tamu što ja jašče raz chaču paviedamić, što ciapier ja razumieju, što sa mnoj by zdaryłasia, kab ja pryjechaŭ u Biełaruś. Heta pazasudovaja rasprava», — dadaje Aleh Kaŭryhin.
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary
I tut karniki sieli ŭ łužynu dziakujučy svajoj hienijalnaści)))
Navošta jon źbiraŭsia jechać u Biełaruś? Za navinami chiba nie sočyć? U kancłahiery 4 hoda niama zakona i spraviadlivaści. Na Biedarusi jaho pasadzili b na 10-12 hadoŭ.