«Dzieci ŭ škole śpiać prosta na partach» — eks-radyjoviadučaja Taćciana Sulimava raskazała pra žyćcio ŭ Kitai
Taćciana Sulimava była adnym z samych viadomych «hałasoŭ» na biełaruskim FM-radyjo, pracavała na telebačańni. Siońnia Taćciana — padarožnik sa stažam.
Niekalki miesiacaŭ Taćciana ź dziećmi žyła ŭ Kitai (syn Filip udzielničaŭ u zdymkach rekłamnych kampanij brendaŭ Fila, Shein, Baleno i h.d.). Pra svajo žyćcio ŭ Kitai jana padzialiłasia sa Smartpress.by.
«My pražyli ŭ Kitai čatyry miesiacy. Nie mahu skazać, što bačyła Kitaj nie jak turyst, ale hetaha chapiła na vybuch matrycy.
Samy hałoŭny łajfchak — pajezdka ŭ Kitaj pačynajecca zadoŭha da samoj pajezdki. Kali ty pryjedzieš, u ciabie nie budzie pracavać ni vajbier, ni telehram, ni fejsbuk, ni instahram — ni-čo-ha. Tam svaje sacsietki, miesiendžary, svaja sistema płaciažoŭ. Kitaj — heta jak palot na Miesiac — treba rychtavacca.
Hałoŭnaja parada — zahadzia kupić i ŭstalavać:
- usie dadatki
- VPN
- kartki, jakija tam buduć pracavać
- pryviazać hetyja kartki da Alipay
U Kitai ŭsie płaciać qr-kodam. Pajezdki ŭ mietro, kramy — usio praz kod. Praktyčna niama papiarovych hrošaj.
Jašče treba pryvyknuć, što ŭsiudy kamiery.
Ja niejak pakinuła sumku z dakumientami i hrašyma kala lifta (!) u našym domie. I ranicaj usio stajała na tym ža miescy. Ludzi pryvykli, što jany jak na dałoni, jany bačnyja paŭsiul, ich płaciažy bačnyja. Z-za hetaha ŭsiaho Kitaj — vielmi biaśpiečnaja kraina.
Jany pryvykli vielmi šmat pracavać i nie zadavać pytańnia «navošta?».
Da hetaha pryvučajuć sa škoły. U kitajskaj škole nie važny vynik, jak u nas. U kitajskaj škole vychoŭvajecca inšaje — pracavitaść. Vyrašaj zadaču! Nie važna, vyrašyš ci nie — starajsia.
Bolšaść dziaciej žyvuć u škole z paniadziełka pa piatnicu.
U škole jany ŭstajuć a šostaj ranicy, myjuć kłas pierad navučalnym dniom. Spačatku — himnastyka. Potym da abiedu jany rašajuć zadačy. Potym u kłas pryvoziać katły z rysam. Dzieci dastajuć svaje talerki i łyžki. Potym nadychodzić cichaja hadzina i jany śpiać prosta na partach, siedziačy. Jany pryvykli da takich niazručnych rečaŭ, da jakich, zdavałasia b, pryvyknuć niemahčyma.
U ich adna tolki forma, sintetyčnaja. I jany jaje myjuć kožny viečar. Jana chutka vysychaje i ranicaj jany jaje ž adziavajuć. Kali dzicia zaniata ŭ spartyŭnym hurtku, chutčej za ŭsio jon budzie chadzić u škołu ŭ trenirovačnaj formie.
Paśla abiedu dzieci znoŭ vučacca. Starejšyja kłasy da 20:30, małodšyja da šostaj.
Tamu jany i žyvuć u škole, dy i baćki pracujuć, a dzieci nie pavinny pieraškadžać baćkam budavać kitajskuju ekanomiku (śmiajecca)».
Kitajcy vielmi dobra staviacca da jeŭrapiejcaŭ. Kali jany bačać razhublenaha jeŭrapiejca, jany zaŭsiody padyduć spytać, čym dapamahčy. Pieršy čas ja jeździła ŭ taksi biaspłatna. Ja kazała: ja zhubiłasia i mnie treba tudy i tudy patrapić i hetyja dobryja ludzi vyklikali mnie taksi za svoj košt.
«U Kitai vielmi cyničnaje, ja b skazała žorstkaje staŭleńnie da chatnich žyvioł. Vykinuć u śmietnik sabačku abo kata, jaki tabie nie spadabaŭsia, ličycca normaj», — kaža Taćciana Sulimava.
Całkam hutarku z Taćcianaj Sulimavaj čytajcie tut
Čytajcie taksama:
Papularny tyktokier z Rasii tusić u darahich restaranach Minska: «Byccam bamžu padali. Žarycie, na zdaroŭje»29
Kamientary