Film abyšoŭ «Džokiera», ale ŭ patylicu jamu dychaje jahony sikvieł.
Suśvietnaja premjera filma «Dedpuł i Rasamacha» (Deadpool & Wolverine), źniataha režysioram Šon Levi, adbyłasia 26 lipienia. U kinateatrach Biełarusi prakat filma pačaŭsia z 3 žniŭnia.
Hrymučaja sumieś samaha admarožanaha ŭ suśviecie Marvel antyhieroja Dedpuła, rolu jakoha vykanaŭ Rajan Rejnalds, i ŭlubionca ŭsich časoŭ Rasamachi ŭ vykanańni Chju Džekmana, jakoha litaralna vykapali z mahiły, nie mahła nie vybuchnuć — i jana vybuchnuła. Film za debiutny ŭikend sabraŭ rekordnuju kasu, całkam akupiŭšysia litaralna za paru dzion. Heta byŭ najlepšy vynik u historyi dla filmaŭ z rejtynham R i najlepšy siarod filmaŭ pra Ludziej Iks.
Novy film Marvel taksama zaniaŭ druhi radok u śpisie samych kasavych stužak 2024 hoda, pakul sastupajučy pieršynstva multfilmu «Hałavałomka-2», zbory jakoha ŭžo pieravysili 1,5 miljarda dalaraŭ.
U čaćvier byŭ pabity samy važny rekord — «Dedpuł i Rasamacha» abyšoŭ u suśvietnym prakacie «Džokiera» Toda Filipsa, jaki ŭtrymlivaŭ pieršynstvo z 2019 hoda.
Film sabraŭ rekordnyja 1,086 miljarda dalaraŭ, u toj čas jak «Džokier» z Chaakinam Fieniksam u roli hałoŭnaha voraha Betmiena sabraŭ 1,079 miljarda. Hetyja dva filmy — adzinyja ŭ historyja stužki z rejtynham R, jakija zmahli pieraadoleć płanku ŭ 1 miljard dalaraŭ.
Nastupnym u rejtynhu idzie film Krystafiera Nołana «Opienhiejmier», jaki zdoleŭ sabrać u 2023 hodzie 974,5 miljona dalaraŭ. Za im — dźvie pieršyja častki sieryi filmaŭ pra Dedpuła, «Matryca: Pierazahruzka» i «Straści Chrystovy».
«Straści Chrystovy» Meła Hibsana, jaki vyjšaŭ 20 hadoŭ tamu, da vychadu «Dedpuł i Rasamacha» byŭ samym kasavym filmam z rejtynham R u ZŠA. Ale i hety rekord byŭ pabity.
«Dedpuł i Rasamacha» taksama staŭ trecim filmam u kinasuśviecie Marvel, jaki pierasiahnuŭ 1 miljard dalaraŭ kasavych zboraŭ, paśla «Čałaviek-pavuk: Niama darohi dadomu» (2021), źniataha Sony, i «Mściŭcy: Finał» (2019) ad Disney.
Pra toje, čamu «Dedpuł i Rasamacha» asudžany na pośpiech i spadabajecca hledačam, my pisali ŭ svaim vialikim ahladzie na film.
Kinuć vyklik «Dedpułu i Rasamachu» moža chiba što «Džokier: Varjactva na dvaich», jaki vyjdzie ŭ prakat vosieńniu z tym ža ŭzrostavym rejtynham R. Ale baraćba budzie ciažkaj.
«Naša Niva» — bastyjon biełaruščyny
PADTRYMAĆ«Dedpuł i Rasamacha». Absalutna adbity film, jaki ŭsim spadabajecca
28 topavych sieryjałaŭ ad «Našaj Nivy» — vybierycie svaje!
«Cichaje miesca: Dzień pieršy». Pryhody kocika padčas kanca śvietu
«Hałavałomka 2» — niejmavierny pośpiech ci pasrednaść? Što adbyvajecca sa studyjaj Pixar
Kaliziej, kroŭ i popieł Viezuvija. Jakim atrymaŭsia novy sieryjał pra Rymskuju impieryju z Entani Chopkinsam
Žycharcy Mahilova pahražajuć kryminałkaj za toje, što źniała ranišniuju čarhu ŭ rehistraturu3
Kamientary