Ryžankoŭ: Zachad choča, kab Minsk pravodziŭ antyrasijskuju palityku
Ministr zamiežnych spraŭ Biełarusi adznačyŭ, što Zachad zacikaŭleny ŭ tym, kab da ŭłady pryjšli «psieŭdademakratyčnyja siły».
Maksim Ryžankoŭ zajaviŭ, što Zachad siońnia choča ad Alaksandra Łukašenki toje ž, što i chacieŭ raniej — praviadzieńnia antyrasiejskaj palityki i psieŭdademakratyi.
«Zachad ad Łukašenki pakul choča toje ž, što i chacieŭ raniej. Kab u Biełarusi pravodziłasia taja palityka, jakaja siońnia patrebnaja Zachadu. Heta palityka antyrasijskaja, va ŭhodu tych palityčnych pracesaŭ, jakija bačyć sabie Zachad», — skazaŭ kiraŭnik biełaruskaha zamiežnapalityčnaha viedamstva ŭ efiry telekanała «Biełaruś 1».
Bolš za toje, adznačyŭ ministr, u namierach Zachadu zastałosia pryvieści da ŭłady ŭ krainie «psieŭdademakratyčnyja siły, jakija ciapier tam padsiłkoŭvajucca i kormiacca». Takija płany, pa słovach Ryžankova, praduhledžvajuć i rasprodaž dziaržaŭnaj majomaści. «Ich płany nie pamianialisia», — kaža ministr.
Jon vykazaŭ upeŭnienaść, što takaja palityka Zachadu ŭ adnosinach da Biełarusi nie skončycca, pakul nie minie «aktyŭnaja faza kanfliktu» v Ukrainie.
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?56
Kamientary
Niavola - heta svaboda
Ničoha novaha, zaćviłaja łuchta i padmiena paniaćciaŭ.
U pryncypie - Alejnik u svoj čas kazaŭ toje ž samaje, i biezvynikova. U rešcie rešt Łukašenka vyrašyŭ, što Alejnik nieefiektyŭny i źniaŭ jaho.
Z metaj bolš spadabacca Łukašenku i Kramlu Ryžankoŭ užyvaje bolš adyjoznuju i krynžovuju rytoryku - ale heta taksama naŭradci ŭrazić kahości na zachadzie i Łukašenku adbialić nie atrymajecca
Na łavie zapaśnikoŭ jašče zastajucca Ambrazievič i Hłaz, ale naŭradci jany taksama zdolnyja niešta dasiahnuć