Rasijski vajskoviec Maksim u adpačynku pamianiaŭ poł i viarnuŭsia na vajnu jak dziaŭčyna Maksin
Jamu ŭsio ŭdałosia, ale voś z vajskovaj słužby ŭžo dziaŭčynu prymusili zvolnicca, piša «Ostorožno, novosti».
Maksim Piaroŭ naradziŭsia ŭ 2000 hodzie ŭ Nižnim Tahile, što ŭ Śviardłoŭskaj vobłaści. Ros u siamji vajskoŭcaŭ, a paśla babula prapanavała adpravić jaho va Uljanaŭskaje suvoraŭskaje vučylišča.
Paśla zakančeńnia ŭstanovy Maksim vyrašyŭ nie iści śladami baćkoŭ i pastupiŭ na inžyniera-prahramista ŭ Pieciarburhu. Ale jon, jak śćviardžajecca, ź dziacinstva adčuvaŭ nastupstvy hiendarnaj dysfaryi (kali fizičny poł nie adpaviadaje adčuvańniu čałavieka) i razumieŭ, što dziaŭčaty jaho nie pryciahvali ŭ seksualnym płanie.
Paźniej Maksim usio ž taki ažaniŭsia, ale adnosiny nie kleilisia, i ŭ 2021 hodzie jon pajšoŭ słužyć u vojska. Raźvioŭsia, padpisaŭ kantrakt, kab zarablać hrošy. Paśla pačatku vajny va Ukrainie trapiŭ u hrupoŭku «Centr», vajavaŭ na Krasnalimanskim i Iziumskim napramkach, byŭ navat uznaharodžany. Paśla taho Piarovu dali adpačynak, padčas jakoha pajechaŭ u Sankt-Pieciarburh, kupiŭ bieły paryk, hulaŭ ź siabrami i pryznaŭsia im u svajoj identyčnaści.
Uletku 2023 hoda Maksim daviedaŭsia, što ŭ Rasii chutka zabaroniać rabić tranśpierachody. Jon vybiŭ sabie terminovy adpačynak, pajechaŭ u Nižnietahilski ZAHS i staŭ pa dakumientach Maksin Jurjeŭnaj Piarovaj. Paśla hetaha ŭžo dziaŭčyna pajechała ŭ adździeł kadraŭ vajskovaj častki i chacieła praciahnuć słužbu dalej, ale jaje zvolnili.
Uletku 2024 hoda Maksin Piarova pa kvocie dla ŭdzielnikaŭ vajny suprać Ukrainy pastupiła ŭ Sankt-Pieciarburhski ŭniviersitet infarmacyjnych technałohij, miechaniki i optyki. Ciapier jana pracuje ŭ vejpšopie, prymaje harmony i nie płanuje apieracyju. Maŭlaŭ, kab adčuvać siabie kamfortna, chapiła źmieny dakumientaŭ i imidžu.
Pry hetym sa svajho telehram-kanała Maksin vydaliła ŭsie pasty z frontu, bo «ciapier jana dziaŭčyna ŭsio ž taki».
Supolnaść transhiendaraŭ Biełarusi paviedamlaje pra začystku — byli zatrymanyja minimum 8 čałaviek
Iran staŭ adnym z suśvietnych lidaraŭ pa źmienie poła. Jak tak stałasia ŭ hetaj musulmanskaj krainie?
Ałžyrka, jakuju ckavali ŭ internecie, vyjhrała zołata Alimpijady
Transhiendarnaja dačka Iłana Maska adkazała na jaho hučnyja zajavy
Aktyvist Maksim Čarniaŭski źbiraŭsia stać žančynaj, a ciapier jon — baćka dvajniat u dekrecie. Jak tak?
Kamientary