HUR zajaviŭ pra zabojstva piłota rasijskaha bambavika, datyčnaha da ataki na handlovy centr u Kramienčuhu
HUR MA Ukrainy zajaviŭ pra zabojstva ŭ vioscy Suponieva pad Branskam piłota 52-ha ciažkaha bambavalnaha avijapałka VKS RF Dźmitryja Halankova.
«Vajenny złačyniec zajmaŭ pasadu načalnika štaba rasijskaj avijacyjnaj eskadrylli», — piša HUR MA Ukrainy.
Pavodle paviedamleńnia HUR, Halankoŭ datyčny da rakietnych udaraŭ pa ŭkrainskich hramadzianskich abjektach, u pryvatnaści pa handlovym centry «Amstor» u horadzie Kramienčuhu Pałtaŭskaj vobłaści.
«U momant ataki 27 červienia 2022 hoda ŭ HC znachodzilisia kala 1000 čałaviek. U vyniku vajennaha złačynstva tady zahinuli 22 čałavieki, dziasiatki atrymali ranieńni», — piša HUR.
Taksama Halankoŭ, śćviardžaje HUR, adkazny za rakietny ŭdar pa žyłym domie ŭ Dniapry 14 studzienia 2023 hoda, kali zahinuła 46 hramadzianskich ukraincaŭ, siarod ich ― 6 dziaciej.
«Cieła rasijskaha vajennaha złačynca Dźmitryja Halankova znajšli z množnymi traŭmami hałavy, pryčynienymi, vierahodna, małatkom», — havorycca ŭ paviedamleńni ŭkrainskaj śpiecsłužby.
Siarod zatrymanych pa spravie pažaru ŭ viciebskim handlovym centry, vierahodna, jahony ŭładalnik2
Kamientary
Vied́ každuju noč, na zachvačiennych tierritorijach Ukrainy i dažie v Rośsii, proischodiat takije nieožidannosti i budut proischodiť do tiech por, poka russkije nie ubierutsia v Rośsiju.