Złučanyja Štaty rychtujuć novy pakiet vajskovaj dapamohi Ukrainie. U jaho ŭvojduć rakiety dla puskavych ustanovak HIMARS, sistemy supraćdziejańnia bieśpiłotnikam i supraćpiachotnyja miny, paviedamlaje Associated Press.
Na fonie bojazi skaračeńnia vajskovaj dapamohi Ukrainie z boku administracyi abranaha prezidenta ZŠA Donalda Trampa, dziejny prezident Džo Bajden paabiacaŭ raźmierkavać da zakančeńnia paŭnamoctvaŭ usie srodki, užo vydzielenyja Ukrainie Kanhresam.
Ahulny košt pakieta aceńvajecca ŭ $725 młn, paviedamlała raniej ahienctva Reuters.
Z dapamohaj supraćpiachotnych min Ukraina raźličvaje zapavolić rasiejskaje kontrnastupleńnie ŭ Kurskaj vobłaści, paviedamlaje Associated Press.
Ukraina źjaŭlajecca členam Kanviencyi ab zabaronie supraćpiachotnych min, ale, jak i Rasija, jakaja nie dałučyłasia da damovy, prymianiaje ich u vajnie. Administracyja Bajdena ŭ 2022 hodzie abiacała nie pieradavać supraćpiachotnyja miny trecim krainam i nie vykarystoŭvać ich za miežami Karejskaha paŭvostrava, nahadvaje The Conversation.
Krynicy vydańnia nie stali ŭdakładniać, ci buduć u novym pakiecie taktyčnyja rakiety ATACMS, adnak Ukraina praciahvaje cisnuć na Bieły dom z metaj atrymańnia jak maha bolšaj kolkaści rakiet, zdolnych nanosić udary pa celach u hłybini Rasii.
«Na što pavinna pajści Rasija? Pažadana na try litary». Na sustrečy z Šolcam Zialenski nie byŭ dypłamatyčnym
Były hiensak NATA zaklikaŭ Ukrainu admovicca ad terytoryj dziela miru
Administracyja Pucina daručyła vice-hubiernataram rychtavacca da zakančeńnia vajny i farmavać «vobraz pieramohi»
Zialenski: Ukrainskaj armii nie chapaje sił dla viartańnia akupavanych terytoryj
Ukraincy z «Chajmarsa» nakryli hanarovaje pastrajeńnie rasijskich vajskoŭcaŭ u Kurskaj vobłaści. 12 zahinułych
Kamientary