U maskoŭskim SIZA znojdzieny miortvym turahient, zatrymany za arhanizacyju padarožžaŭ dla hiejaŭ
Advakatcy paviedamili, što jaje klijent skončyŭ žyćcio samahubstvam. Pry zatrymańni jon źviedaŭ katavańni i ździeki.
Pra śmierć dyrektara turfirmy «Mien trevieł» Andreja Kotava paviedamlaje «OVD-Info» sa spasyłkaj na jaho advakatku.
Śledčy pa spravie Kotava paviedamiŭ advakatcy, što mužčyna skončyŭ žyćcio samahubstvam u kamiery siońnia prykładna a 4-j hadzinie ranicy.
Raniej Kotaŭ raskazvaŭ, što padčas zatrymańnia siłaviki źbivali jaho i katavali elektrašokieram. Taksama jany atrymali dostup da jaho telefona i ździekavalisia ź intymnaj infarmacyi, pierazdymajučy ekran. U pačatku śniežnia aryštavanaha biznesoŭca źmiaścili ŭ karcar.
Kotava abvinavačvajuć pa spravie ab «arhanizacyi ekstremisckaj supolnaści» i ŭdziele ŭ joj (č. 1 i 2 art. 282.2 KK RF). Pavodle śledstva, 48-hadovy turahient ździejśniŭ złačynstva, «nakiravanaje suprać kanstytucyjnaha ładu i biaśpieki dziaržavy».
Pavodle advakatki, z materyjałaŭ spravy niezrazumieła, jakim čynam Kotaŭ moh udzielničać u nieisnujučaj «ekstremisckaj ŁHBT-supolnaści».
Kotaŭ zajmaŭsia arhanizacyjaj turaŭ dla hiejaŭ pa Vołzie i ŭ Jehipiet. Adnak śledčy dałučyŭ da spravy materyjały z asabistaj pierapiski zatrymanaha, jakija nijak nie źviazany z arhanizacyjaj turaŭ dla mužčyn.
Blizki da rasijskich siłavikoŭ kanał «VČK-OHPU» śćviardžaje, što Kotavu niezadoŭha da hibieli było pradjaŭlena abvinavačańnie ŭ vyrabie dziciačaha porna. Jon byccam by tajemna zdymaŭ na svoj mabilny telefon niepaŭnaletnich chłopčykaŭ u raździavałkach spartyŭnych kłubaŭ. Kanał taksama śćviardžaje, što viadoma jak minimum, pra dva epizody.
Hod tamu Viarchoŭny sud Rasii abviaściŭ nieisnujučy «Mižnarodny hramadski ruch ŁHBT» ekstremisckaj arhanizacyjaj i zabaraniŭ jaho dziejnaść u Rasii. Paśla hetaha siłaviki raspačali spravy ab ekstremiźmie suprać uładalnikaŭ i supracoŭnikaŭ baraŭ u Arenburhu i Kiravie, dzie pravodzilisia viečarynki z udziełam dreh-artystak.
Jany pajšli ad nas u 2024 hodzie. Zhadvajem biełarusaŭ, jakich my stracili7
Kamientary