Zvyš 80% žančyn i mužčyn flirtujuć abo flirtavali sa svaimi supracoŭnikami. Pra heta śviedčać najnoŭšyja sacyjałahičnyja daśledavańni časopisa «Płejboj».
Žanočy rohat raspudžvaje mužčyn
Pradstaŭnicy cudoŭnaj pałovy čałaviectva zastajucca ŭ adzinocie, bo adpudžvajuć patencyjnych mužoŭ niekulturnym śmiecham.
Da takoj vysnovy, jak pieradaje partał "Raŭt", pryjšli psichołahi z univiersiteta ŭ Kalifornii. Navukoŭcy praviali daśledavańnie, u jakim mužčyny aceńvali žanočuju pryvabnaść pa hałasavych intanacyjach. Pry hetym jany nie mieli mahčymaści ŭbačyć tvary dam, jakija vydavali viasiołyja huki.
Padčas pracy vyśvietliłasia, što najbolšuju niepryjaznaść u chłopcaŭ vyklikaje hučny śmiech, a pryvodzić u zachapleńnie i pravakuje na zacikaŭlenaść — lohkaje chichikańnie. Naprykład, bolš za 1000 respandentaŭ znachodziacca ŭ poŭnaj upeŭnienaści, što vysokimi hałasavymi danymi vałodajuć vyklučna nieadukavanyja dziaŭčaty, jakija nie ŭmiejuć narmalna kantaktavać, i ź imi soramna pakazacca na ludziach.
Atmaśfiera flirtu spryjaje spravie
Zvyš 80 % žančyn i mužčyn flirtujuć abo flirtavali sa svaimi supracoŭnikami. Pra heta śviedčać najnoŭšyja sacyjałahičnyja daśledavańni časopisa "Płejboj".Dźvie treci žančyn i pałova mužčyn choć by adzin raz zajmalisia seksam sa svaimi kalehami.
Ličycca, što mužčyny zaŭsiody inicyjujuć słužbovyja ramany. Isnuje mierkavańnie, što jany ŭvieś čas tolki pra toje i dumajuć, jak spakusić žančyn, jakija pracujuć razam ź imi. Heta nie zusim tak.
Voś vyniki apytańnia "Płejboja": žančyny ŭdvaja čaściej, čym mužčyny, "źnimajuć" svaich kaleh-pačatkoŭcaŭ supraćlehłaha połu z dumkaj pra seksualny kantakt.
Z elehantnymi i dahledžanymi łedzi maładyja mužčyny achvotna zajmajucca seksam. Nie zabyvajučy pry vypadku pakłapacicca i pra svaju karjeru. Žančyny, zrešty, pra jaje taksama nie zabyvajuć: pavodle statystyki, pałova žančyn, jakija majuć słužbovyja ramany, "śpiać" mienavita z šefami.
Psichołahi havorać, što dla mnohich ludziej seks na pracy źjaŭlajecca efiektyŭnaj formaj baraćby sa stresam. A va ŭsim vinavataja praźmiernaja nahruzka — mienavita jana pravakuje mocnaje seksualnaje žadańnie.
Jašče adzin cikavy niuans: sučasnyja žančyny, asabliva tyja, što pracujuć naroŭni z mužčynami (a časam i bolš za ich), stanoviacca ŭ svaich seksualnych adčuvańniach padobnymi na pradstaŭnikoŭ mocnaha połu. Hetyja žančyny chutčej uzbudžajucca i atrymlivajuć arhazm navat biez tak zvanaj ustupnaj hulni.
Na dumku seksołahaŭ, ludzi, jakija šmat času pravodziać razam, paniavoli pačynajuć pahladvać adno na adnaho jak na abjekt seksualnaha žadańnia. Zhodna z apytańniem kampanii "Dziureks", pra toje, kab zaniacca seksam z kaleham pa pracy, dumaje pałova mužčyn i treć žančyn.
"Praca — heta seksualna-ŭzbudžalny vid čałaviečaj dziejnaści. U peŭny momant ofis pieratvarajecca ŭ najmacniejšy afradyzijak". Tak ličać amierykanskija psichołahi, paviedamlaje Shkolazhizni.ru.
U adnu kampaniju traplajuć zvyčajna ludzi z rodnasnymi intaresami, zdolnaściami i dośviedam — heta emacyjna zbližaje. A kab adpaviadać vysokim patrabavańniam svaich pracadaŭcaŭ, spačatku dzielać pamiž saboj pamiaškańnie ofisa, a zatym i łožak. Čaściej za ŭsio takoje zdarajecca ŭ rekłamnych i markietynhavych ahienctvach, advakackich kantorach, miedyja-redakcyjach i roznaha kštałtu tvorčych arhanizacyjach. U cełym — usiudy, dzie čas pracy nie narmujecca, a słužbovyja abaviazki i asabistaje žyćcio ciažka padzialić.
Daśledčyki adznačajuć, što słužbovyja ramany zabaronienyja tolki na 10 % pradpryjemstvaŭ ZŠA. Ekśpierty havorać: niekatoryja pracadaŭcy navat zadavolenyja, kali na firmie panuje atmaśfiera flirtu. Byccam by pry hetym supracoŭniki macniej źviazanyja ź firmaj, achvotniej pravodziać čas razam i starajucca jak maha lepš prajavić siabie ŭ spravie.
Maładyja partniorki padsiłkoŭvajuć mužčyn enierhijaj
Seks z maładziejšymi kachankami pradaŭžaje mužčynam žyćcio. Daśledčyki niamieckaha Univiersiteta Maksa Płanka na praciahu 15 hadoŭ analizavali pryčyny śmiarotnaści mužčyn i pryjšli da vysnovy, što vierahodnaść rańniaj śmierci ŭ pradstaŭnikoŭ mocnaha połu źnižajecca na čverć, kali partniorka maładziejšaja na 15—17 hadoŭ.
Vučonyja śćviardžajuć, što maładyja paluboŭnicy ŭ litaralnym sensie słova padsiłkoŭvajuć enierhijaj mužčyn, jakija z usich siłaŭ sprabujuć zastavacca "na vyšyni" i pačynajuć vieści aktyŭny ład žyćcia. Heta pazityŭna ŭpłyvaje na zdaroŭje mužčyn i pradaŭžaje im žyćcio.
Žyvahłod pryznała rassyłku praz čat-bot «Sumlennych ludziej» karystalnikam u Biełarusi: Ale nie ŭ pracoŭny čas, paśla 18 hadzin8
Kamientary