«Zachodnija impieryjalisty» akazalisia biaśpiečniejšyja za Kreml

Alaksandr Łukašenka abvierhnuŭ razmovy, što Maskva i Vašynhton maŭlaŭ zmovilisia suprać jaho. Jon «dakładna viedaje», što takoha niama. Ale kali ŭsio ž pasprabujuć «nachilić», to ničoha nie ŭdasca. U hetym aficyjny lider zapeŭniŭ elektarat siniavokaj respubliki, vystupajučy pierad žurnalistami padčas pajezdki pa Minskaj vobłaści 13 žniŭnia.

U byłyja hady, kali jašče fantanavaŭ pafas «braterskaj intehracyi» i było ŭtulna pad jadziernym parasonam Maskvy, lazo pramoŭ było nakiravanaje suprać zaakijanskich impieryjalistaŭ.

Ciapier ža hałoŭnaja pahroza — z uschodu. Impieryjalisty, jak ni dziŭna, apynulisia bolš pradkazalnymi i ŭmieranymi.

«Amieryka prytrymlivajecca svajoj pazicyi. Rasija svaju pazicyju rezka pamianiała i sprabuje najpierš prezidenta Biełarusi adstroić, nachilić pierad viadomymi palityčnymi padziejami», — rastłumačyŭ Alaksandr Łukašenka.

Jon dazvoliŭ sabie dva vostryja momanty. Pa-pieršaje, papraknuŭ Dźmitryja Miadźviedzieva za toje, što toj niedahavorvaje adnosna zakulisnych pierypietyj pryznańnia\niepryznańni Abchazii i Paŭdniovaj Asiecii. Tak, Minsk moh by pajści na taki krok, ale «Rasija akazałasia niazdolnaja abo nie zachacieła kiraŭnictva Rasii iści na nivielavańnie i likvidacyju tych nastupstvaŭ, jakija dla Biełarusi pavinny byli ŭźniknuć».

Pavodle mierkavańnia minskaha analityka-mižnarodnika Andreja Fiodarava, havorka idzie pra toje, što baki nie syšlisia ŭ dalikatnym i sapraŭdy składanym palityčnym handli.

U vyniku, jak viadoma, Minsk pradaŭ svaju niaŭstuplivaść u hieapalityčnym pytańni Jeŭrasajuzu, što dazvoliła razmarozić adnosiny z Brusielem.

Druhim vostrym momantam u kaskadzie vykazvańniaŭ ad 13 žniŭnia stała zajava Łukašenki ab tym, što Minsk moža admovicca ad rasijskich pasłuh u budaŭnictvie AES. Addaduć budoŭlu kitajcam?

Andrej Fiodaraŭ sumniavajecca: usio-tki technałohii ŭ kitajcaŭ nie tyja. Mahčyma, biełaruski bok tolki źlohku šantažuje Maskvu, kab prycišyła svaje ŭmovy. Łukašenka daŭ zrazumieć, što na SP dla prodažu budučaj «atamnaj» elektryčnaści 50 na 50 z Rasijaj nie zhodny.

«Całkam mahčyma, što pry ciapierašnich składanaściach biełaruskaje kiraŭnictva naohuł admovicca ad budaŭnictva AES», — skazaŭ Fiodaraŭ u interv`iu «Biełorusskim novostiam».

U cełym ža Łukašenka 13 žniŭnia vykazvaŭsia strymana, biez emocyj. Heta zrazumieła: ćvialić rasijskaha miadźviedzia pierad chutkimi vybarami (tymi samymi «viadomymi palityčnymi padziejami») oj jak nie z ruki!

Inšaje pytańnie, ci zhodny na miravuju miadźviedź. Va ŭsiakim razie, na niadzielu NTV užo anansuje film «Chrosny baćka-3».

Nakolki zakranajuć hetyja filmy biełaruskaha prezidenta, možna tolki zdahadvacca. Uskosny štrych: paśla pieršaj stužki Łukašenka navat vykazaŭ viersiju, što takim kavarnym čynam jaho chacieli spravakavać na admovu ad pajezdki ŭ Astanu na samit JeŭrAzES u pačatku lipienia.

Ciapierašni ž anons — bolš chvostki za papiarednija. A na nosie — niefarmalny samit ADKB u Jerevanie.

Tam i tak nakloŭvalisia niepryjemnyja momanty kštałtu niepaźbiežnaj sustrečy z Rozaj Atunbajevaj, jakuju zaraz, paśla refierendumu ŭ Kyrhyzstanie, nielehitymnaściu ŭžo nie papraknieš. U novych ža ŭład Biškieka — vialikija pytańni da biełaruskaha kiraŭnika, jaki daŭ prytułak skinutamu Kurmanbieku Bakijevu.

Biškiek damahajecca ekstradycyi eks-prezidenta, a taksama mocna padazraje, što ŭ siniavokaj respublicy chavajecca i jaho brat Žanybiek, da jakoha, u svaju čarhu, vialikija pytańni nakont krovapralićcia padčas krasavickich padziej.

Ale jašče bolš niepažadanaj na fonie vielmi vierahodnaha novaha ŭsplosku infarmacyjnaj vajny moža stać sustreča ź Miadźviedzievym. Ekśpiert Andrej Fiodaraŭ nie vyklučaje, što z boku Łukašenki mahčymy i demarš. Anałahičny tamu, što mieŭ miesca ŭ červieni minułaha hoda, kali z-za małočnaj vajny toj demanstratyŭna nie palacieŭ u Maskvu, iznoŭ-tki, na samit ADKB.

Voś jany, ciapierašnija hrymasy biełaruska-rasijskaha sajuźnictva. Pry tym što ADKB naminalna — «braterstva pa zbroi», hetyja «braty» amal piermanientna vajujuć pamiž saboj to na małočnym, to na hazavym, to na infarmacyjnym froncie.

U vyniku biełarusy ŭsio bolš rasčaroŭvajucca ŭ mifach «braterskaj intehracyi» i ŭsio čaściej u sacyjałahičnych apytańniach vykazvajucca za zbližeńnie ź ES. Što hreje dušu ŭ asnoŭnym prajeŭrapiejskaj biełaruskaj apazicyi.

Miž inšym, jak raz

adsutnaść na tutejšym poli mocnych prarasijskich struktur i takoha ž rodu charyzmatyčnaj postaci, pavodle mierkavańnia šerahu analitykaŭ, ź`iaŭlajecca sur`ioznym faktaram, jaki strymlivaje Kreml u jaho płanach razabracca ź niazručnym biełaruskim partnioram.

Darečy, kali Maskva sapraŭdy nie pryznaje vyniki čarhovych prezidenckich vybaraŭ, to, mahčyma, spravakuje zusim nie toj efiekt, jakoha damahajecca. Pavodle prahnozaŭ Andreja Fiodarava, Minsk u takim razie pa pryncypie vybaru najmienšaha licha moža iznoŭ chisnucca da ES, pajści na niejkija sastupki Brusielu. Nu, a tam — kropla kamień točyć.

Va ŭsiakim vypadku, užo siońnia ŭ pramovach Alaksandra Łukašenki vyjava voraha, u adroźnieńnie ad raniejšych časoŭ, vidavočna asacyjujecca z uschodnim kirunkam. I pierśpiektyvy cudoŭnaha prymireńnia dy bratańnia jak nikoli chistkija.

• 0
• 0
• 0
• 0
• 0
• 0
• 0
• 0