Беларусам у Беларусі прыходзяць дзіўныя спасылкі з заклікам прагаласаваць на выбарах у КР
Карыстальнікам у Беларусі прыходзяць падазроныя спасылкі з заклікам узяць удзел у галасаванні на выбарах у Каардынацыйную раду (КР) трэцяга складу. Пра гэта паведамляе старшыня Выбарчай камісіі Алена Прыходзька.
«Калі ласка, не карыстайцеся ніякімі спасылкамі, якія вам дасылаюць у хоць бы якіх чатах, тэлеграм-каналах альбо прыватныя асобы, — папярэдзіла яна. — Карыстайцеся толькі афіцыйнымі спасылкамі на сайце Каардынацыйнай рады альбо ў афіцыйным тэлеграм-канале Каардынацыйнай рады. Яшчэ раз заклікаю вас, калі ласка, дбайце пра вашую бяспеку».
Паводле Прыходзькі, камісія КР атрымлівае паведамленні, што ў Беларусі па беларускіх чатах рассылаюцца спасылкі з заклікам галасаваць.
«Выбарчая камісія і Каардынацыйная рада не маюць ніякага дачынення да гэтых спасылак. Мы не займаемся ніякай рассылкай, як ёй не займаецца ніхто з выбарчых суб’ектаў», — падкрэсліла Алена Прыходзька.
Выбары ў КР пачаліся апоўначы 25 мая і, згодна з першапачатковым планам, мусяць завяршыцца а 23:59 27 мая.
Ціханоўская: Выбары ў КР — гэта першая спроба арганізаваць незалежны выбарчы працэс, чаго беларусы былі пазбаўленыя дзесяцігоддзямі
Выглядае, што збоі ў працы інтэрнэту ў Беларусі звязаныя з пачаткам анлайн-галасавання на выбарах у Каардынацыйную раду
Магутную начную DDoS-атаку падчас выбараў у Каардынацыйную раду паспяхова адбілі
У першыя хвіліны выбараў у КР сайт з галасаваннем зазнаў атаку — «прагаласавалі» больш за 17 мільёнаў чалавек
Блок Азарава знялі з выбараў у Каардынацыйную раду
Стала вядома, чаму пераможца беларускага адбору «Міс Сусвет» не едзе на конкурс. Яна знайшлася ў СІЗА4
Каментары