Пуцін зацвердзіў новую ядзерную дактрыну. У ёй ёсць пункт, звязаны з Беларуссю
Пуцін зацвердзіў абноўленую ядзерную дактрыну. У ёй прапісаны ўмовы, пры якіх Расія можа прымяніць ядзерную зброю.
Гэта:
— паступленне дакладнай інфармацыі пра старт балістычных ракет, якія атакуюць тэрыторыі Расіі і (або) яе саюзнікаў;
— ужыванне праціўнікам ядзернай і іншых відаў зброі масавага паражэння па тэрыторыях Расіі і (або) яе саюзнікаў, па воінскіх фарміраваннях і (або) аб'ектах Расіі, размешчаных за межамі яе тэрыторыі;
— уздзеянне праціўніка на крытычна важныя дзяржаўныя або ваенныя аб'екты Расіі, вывад з ладу якіх прывядзе да зрыву дзеянняў у адказ ядзерных сіл;
— агрэсія супраць Расіі ці Беларусі як удзельнікаў Саюзнай дзяржавы з ужываннем звычайнай зброі, якая стварае крытычную пагрозу іх суверэнітэту і (або) тэрытарыяльнай цэласнасці;
— паступленне дакладнай інфармацыі аб масіраваным старце (узлёце) сродкаў паветрана-касмічнага нападу (самалёты стратэгічнай або тактычнай авіяцыі, крылатыя ракеты, беспілотныя, гіпергукавыя і іншыя лятальныя апараты) і перасячэнні імі дзяржаўнай мяжы Расіі.
У дактрыне прапісана, што Расія будзе расцэньваць агрэсію з боку дзяржавы са складу ваеннай кааліцыі, блока або саюза як агрэсію такога аб'яднання ў цэлым.
А агрэсія супраць Расі або яе хаўруснікаў з боку любой няядзернай дзяржавы з удзелам або пры падтрымцы ядзернай дзяржавы будзе разглядацца як іх сумесны напад.
«Нейкая шваль у Гродне». Марзалюк прайшоўся па Бондаравай і яе паплечніках18
Каментары
Что ядерный грибок-
поджарил с картошечкой-и все будет "ОК"