Psichičnaje źniasileńnie ŭ žančyn nazirajecca ŭ dva razy čaściej, paviedamiła na pres-kanfierencyi dacent kafiedry psichaterapii Biełaruskaj miedycynskaj akademii paśladypłomnaj adukacyi Alena Tarasievič.
Samastojna raspaznać psichičnaje źniasileńnie moža kožny čałaviek. Pierš za ŭsio źjaŭlajecca pačućcio zmučanaści, padvyšanaj razdražnialnaści biez padstaŭ, u tym liku pry jarkim śviatle, hučnych hukach i navat pachach. Čałaviek pastajanna adčuvaje siabie raźbitym, choča spać, ale ŭviečary nie moža zasnuć. U hetym vypadku patrebien paŭnavartasny adpačynak. Kali stan doŭžycca bolš za dva tydni, nieabchodna źviarnucca pa dapamohu da śpiecyjalista, jaki pryznačyć nieabchodnyja lekavyja preparaty. U pryvatnaści, anksijalityki i vitaminnyja preparaty źniziać tryvohu, razdražnialnaść i palepšać son.
U cełym, pavodle słoŭ śpiecyjalista, nasielnictva siońnia bolš infarmavanaje ŭ hetym płanie, viedaje roźnicu pamiž dziejnaściu psichołaha, psichaterapieŭta i psichijatra, tamu nie baicca źviartacca pa kvalifikavanuju mieddapamohu. Śpiecyjalist moža pravieści dyfierencyjalnuju dyjahnostyku, pryznačyć lačeńnie z dapamohaj lekavych preparataŭ i psichaterapieŭtyčnych mietodyk.
Pa słovach Aleny Tarasievič, u krainie dastatkova dastupnych pa canie lekavych preparataŭ jak impartnaj, tak i ajčynnaj vytvorčaści, jakija źnižajuć uzrovień stresu, lečać depresiju i inšyja psichičnyja rasstrojstvy. Usie leki vypisvajucca na recepturnych błankach i nie bolš čym na miesiac.
-
Minzdaroŭja: Rost zachvorvańniaŭ na vostryja reśpiratornyja infiekcyi čakajecca ŭ kancy studzienia — lutym
-
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
-
Nie ŭsie ŭltraapracavanyja pradukty adnolkava škodnyja. Niekatoryja možna śmieła jeści
Akaŭnt Kabančuka ŭzłamali — ale ci biełaruskija śpiecsłužby?11
Kamientary