Łukašenkaŭcy ŭpieršyniu za doŭhi čas pakazali Viktara Babaryku
Viktar Babaryka źjaviŭsia na karotkim videa, zapisanym u pakoi Navapołackaj kałonii. Videa i fota ź im apublikavanyja ŭ kanale Ramana Pratasieviča.
Babaryka schudnieły, ale žyvy. Kantaktu ź im nie było amal dva hady.
Jon «u dobrym humory i nie zhubiŭ navykaŭ krasamoŭnaści», — raskazvaje Pratasievič.
Pratasievič kaža, što pieradaŭ Viktaru Babaryku «viestački ad jaho rodnych», a taksama jaho słovy im. Mahčyma, Pratasievič maje na ŭvazie videazvarot, častku jakoha pakazali na videa.
«Chaču, kab jana vyrasła vialikaj vydatnaj dziaŭčynkaj, padobnaj da ciabie. A ja ŭpeŭnieny, što nasamreč u jaje ŭnikalnaja mahčymaść u hetych adnosinach, heta praŭda. I ja spadziajusia, što ŭsie śviaty, jakija buduć, u tym liku i dzień naradžeńnia baćki vy sustreniecie družna i pieradaście ad mianie ŭsim maje najlepšyja vinšavańni i vitańni. Ja vas usich vielmi lublu. Usiaho najlepšaha», — kaža na karotkim videa Babaryka, źviartajučysia badaj da dački i ŭnučki.
Viktar Babaryka, jaki ŭ mai 2020 hoda zajaviŭ pra namier bałatavacca, znachodzicca za kratami z 18 červienia 2020 hoda, kali byŭ aryštavany razam z synam Eduardam.
Praz hod, u lipieni 2021 hoda, jon byŭ asudžany na 14 hadoŭ.
Kamanda źvierchu zrabić režym utrymańnia maksimalna strohim pryjšła adnosna Babaryki prykładna ŭ lutym 2023 hoda. Da jaho pierastali puskać advakata.
25 krasavika 2023 hoda Viktara Babaryku z kałonii pavieźli ŭ špital. Pavodle infarmacyi, pieradadzienaj žurnalistam pracaŭnikami bolnicy, 27 krasavika palityk byŭ u chirurhičnym adździaleńni ŭ stanie siaredniaj ciažkaści. Paźniej pravaabaroncam stała viadoma, što Babaryku pieraviali ŭ turemny špital pry SIZA № 1 u Minsku. Paźniej Viktara Babaryku viarnuli ŭ kałoniju.
Pavodle śviedčańnia byłoha palitviaźnia, viasnu i leta 2023 hoda Babaryka pravioŭ u kałonii ŭ PKT, u poŭnaj izalacyi ad inšych viaźniaŭ. Śled Viktara Babaryki zhubiŭsia ŭ listapadzie 2023-ha, kali jaho bačyli ŭ kalidory PKT.
Stała viadoma, chto žanich byłoj deputatki Maryi Vasilevič26
Kamientary
Pieradajcie vašaj kiraŭnicy Cichanoŭskaj: chaj štości choć zrobić karysnaje naprykancy svajho terminu - chaj razašle hetaje fota faktyčnaha Prezidenta-elekta ŭsim Ursułam van den Lanam, Barelam i inšym Kofi Ananam.
Uvodzić treba samyja žorstkija sankcyi! Kožny miesiac!