Na Biełsacie vyjšła novaje tok-šou «Rapart». Pieršyja hieroi — Karač, Statkievič i Lenin
Aŭtaram i viadučym šou źjaŭlajecca žurnalist Eduard Mielnikaŭ, viadomy pa prahramie «Forum».
Abiacajecca, što ŭ «Raparcie» nas čakaje novy mastacki ŭzrovień: z bolšaj kolkaściu hierojaŭ i videamateryjałaŭ. U cełym ža farmat pieradačy budzie zvykłym: studyjnaja častka, dzie hieroi razam ź viadučym stajać i abmiarkoŭvajuć zadadzienuju temu, plus ilustracyjnyja materyjały: videaintervju, apytanki na vulicach, archiŭnyja kadry i inšaje.
Pieršy vypusk «Raparta» vyjšaŭ u efir 14 kastryčnika. U im ekśpierty, siarod jakich byli maskoŭski palitołah Dźmitryj Bałkuniec, ekśpiert «Belarus security blog» Andrej Parotnikaŭ dy palityki Mikałaj Statkievič i Volha Karač, abmiarkoŭvali vajskovyja vučeńni «Zachad-2017».
U bližejšych vypuskach nas čakaje abmierkavańnie emihracyi moładzi za miažu i padziei Kastryčnickaj revalucyi. Padčas efiru pra revalucyju ŭ studyi budzie znachodzicca «žyvy» Lenin.
«Nam vielmi chočacca, kab naš hladač nie tolki štości daviedaŭsia, ale i adčuŭ napruhu realnych padziej», — takija mety stavić pierad saboj viadučy Eduard Mielnikaŭ.
Vychodzić novaja prahrama budzie dva razy na miesiac.
-
Šlacham Cichanoŭskaha: redaktarka rajonki i łukašenkaŭski błohier tak zachapilisia prablemami Barysava, što pryjšli da kramolnych vysnovaŭ
-
Dzie ciapier Kirył Kazakoŭ — były kiraŭnik STB, «chrosny baćka» Azaronka i inšych prapahandystaŭ?
-
Biełaruskamoŭny dziciačy časopis «Matulina soniejka» prypyniŭ svoj vychad
Akaŭnt Kabančuka ŭzłamali — ale ci biełaruskija śpiecsłužby?11
Kamientary