Piać parad, jak zrabić hodnuju prezientacyju prajekta — spatrebicca kožnamu vystupoŭcu
«Navat da vinšavańniaŭ z dniom narodzinaŭ treba rychtavacca, što kazać pra prezientacyju biznes-prajekta», — z hetaha pačaŭ pieršy majstar-kłas dla staršakłaśnikaŭ «nastaŭnik» Dźmitryj Śmirnoŭ, śpikinh-koŭč TEDxMinsk, kiraŭnik škoły pramoŭnickaha majsterstva, biznes-trenier i hienieralny pradziusar «Radyjo Bi Ej».
Sacyjalna-adukacyjny prajekt velcom YOUTH kampanija ładzić pry padtrymcy Ministerstva adukacyi Biełarusi i arhanizataraŭ kanfierencyi TEDxMinsk.
24 listapada majstar-kłas Dźmitryja Śmirnova abjadnaŭ bolš za 1000 staršakłaśnikaŭ Biełarusi: kala 200 vučniaŭ minskich škoł, a taksama bolš za 800 udzielnikaŭ z 236 navučalnych ustanoŭ pa ŭsioj krainie.
«U škole vielmi mała ŭvahi nadajuć raźvićciu kamunikacyjnych navykaŭ, — pierakanany Dźmitryj Śmirnoŭ. — Što my ŭ vyniku majem? Vychodziać prezientavać svoj prajekt dvoje, i heta vyhladaje tak: «Eee, dobry dzień. Nu, my zaraz vam raskažam… Eee… Moža być, vam budzie cikava…».
Kab hodna prezientavać svoj (biezumoŭna, varty) prajekt, treba mieć u hałavie dakładny płan, pierakanany trenier Dźmitryj Śmirnoŭ.
My prapanoŭvajem jaho zanatavać i karystacca tady, kali vam daviadziecca vystupać pierad vialikaj aŭdytoryjaj.
1. Aŭdytoryja
Toj, chto zacikaŭleny ŭ prasoŭvańni svajho prajekta, abaviazkova musić zadumacca, na kaho raźličanaja jaho prezientacyja.
Nielha moładzievaj aŭdytoryi prezientavać prajekt doŭhimi zakručanymi skazami — aŭdytoryja prosta nie pačuje.
2. Ideja
Na hetym etapie pravalvajecca masa startapaŭ, miarkuje trenier, pakolki bolšaść tych, chto prezientuje svoj prajekt, nie mohuć zrazumieć roźnicy miž temaj prajekta i jaho idejaj. Choć nasamreč usio prosta.
Ideja — heta toje, što zastaniecca ŭ hałovach, taja dumka, jakuju aŭdytoryja zabiare z saboj.
3. Pačatak
Nie mienš važna pradumać, z čaho budzie pačynacca abarona prajekta.
Paradak «zaviazka, raźvićcio i kulminacyja dziejańnia» pracuje tolki ŭ kłasičnaj litaratury. U publičnym vystupie čaplać treba adrazu.
Dla paśpiachovaj prezientacyi varta pamiatać «praviła čatyroch S».
- Svajo — aŭdytoryju zaŭždy čaplaje, kali pramoŭca prapuskaje prezientacyju praź siabie. Raskažycie, čamu tema vam blizkaja.
- Skandał — heta toje, čym karystajecca, naprykład, Iłan Mask.
Adzin sa svaich vystupaŭ na TED Iłan Mask pačaŭ z taho, što zajaviŭ: jany ryjuć jaminu pad Łos-Andželesam, što pieratvorycca ŭ 3D-sietku tanelaŭ, jakaja źmienšyć kolkaść korkaŭ na darohach. Paśla takoj skandalnaj zajavy jon pačaŭ demanstravać svaju prezientacyju.
- Siensacyja — sposab pryciahnuć uvahu da svajho prajekta jaho naviznoj, akcentavać na tym, čaho raniej nie było.
- Śmiech — pačać svaju prezientacyju z žartu, humaru — biasprojhryšny varyjant.
Dźmitryj zhadaŭ vystupy Eła Hora, jaki svaje pramovy na ekałahičnyja temy pačynaje z humaru. Naprykład, jon razyhryvaje ŭschlipy i dziakuje za padtrymku. Maŭlaŭ, jana jamu tak patrebnaja. Paśla, pierad tym, jak pierajści da svajoj prezientacyi, raskazvaje cikavyja i śmiešnyja vypadki sa svajho žyćcia.
4. Arhumientacyja
Arhumientavać prajekt, viadoma, treba faktami. A kab arhumientacyja nie pieratvaryłasia ŭ suchi pieralik iścin, treba dadać u vystup emocyj.
Raspaviadzicie historyju, padklučycie ŭjaŭleńnie aŭdytoryi, syhrajcie na vobrazach i anałohijach. I ni ŭ jakim razie nie zakančvajcie słovami: «Nu ŭsio».
5. Kancoŭka
Naprykancy vystupu viarniciesia da idei, budźcie śmiełymi i pierakanaŭčymi ŭ padsumavańni. Tolki paśla hetaha padziakujcie za ŭvahu i raźvitajciesia.
Asobna varta adznačyć afarmleńnie prezientacyj. Vielmi i vielmi kiepska imknucca ŭvieś tekst svajho vystupu ŭcisnuć u prezientacyju. Jana pavinna źviartać na siabie ŭvahu važnaj ličbaj, malunkam, a nie dublavać uvieś vystup (jašče i drobnym šryftam).
A voś jak pavodzić siabie padčas prezientacyi prajekta, Dźmitryj Śmirnoŭ i inšyja śpikiery raspaviaduć padčas druhoha majstar-kłasa, jaki adbudziecca ŭ subotu, 8 śniežnia. Kudy padzieć ruki? Jak havaryć? Kudy hladzieć? Jak pieramahčy strach pierad vialikaj aŭdytoryjaj? Adkazy na ŭsie hetyja pytańni možna budzie pačuć užo praz dva tydni.
Pahladzieć majstar-kłas «Majsterstva prezientacyi» i dałučycca da žyvoha efiru nastupnych sustreč možna tut: www.voka.tv
«Takija zaniatki — heta vydatnaja mahčymaść dla staršakłaśnikaŭ uvasobić u žyćcio svaje idei i inicyjatyvy. A kab školniki atrymali nieabchodny dośvied, my prapanujem im uziać udzieł u sieryi vorkšopaŭ — navučycca vystupać, vykazvać svaje dumki pierad vialikaj aŭdytoryjaj i rabić heta na rodnaj, biełaruskaj movie», — zaznačyŭ kiraŭnik adździeła karparatyŭnych kamunikacyj velcom Mikałaj Bredzieleŭ.
Varta skazać jašče niekalki słovaŭ pra atmaśfieru, jakaja panavała padčas majstar-kłasa ŭ zale. Da zvyčajnaha ŭroka jana była padobnaja chiba tym, što na pytańni treniera ŭźnimaŭsia ŭ litaralnym sensie les ruk.
Staršakłaśniki razam z trenieram sprabavali pradać mini-pihaŭ i patłumačyć, jakaja ideja moža być u kavavarki, prymacavanaj da budzilnika.
Kali išła havorka pra vobrazy, chłopcy i dziaŭčaty sprabavali pierakazać, jakim jany ŭbačyli hihancki vyklučalnik i kania ź piasku.
Paśla «ŭroka» stała zrazumiełym, što nie tak składana pradstaŭlać svoj prajekt, jak pierakanać u jaho vartaści aŭdytoryju.
Ale Dźmitryj Śmirnoŭ abiacaŭ, što na pytańnie «jak?» adkaža 8 śniežnia.
Paśla taho, jak adbuducca majstar-kłasy pa majsterstvie vystupaŭ i majsterstvie lidaraŭ, pačniecca treci konkursny etap prajekta velcom YOUTH. Na hetym etapie (z 20 studzienia pa 20 lutaha) staršakłaśnikam treba budzie ažyćciavić svaju ideju: padrychtavać i pravieści niefarmalnaje adukacyjnaje mierapryjemstva — majstar-kłas, debaty abo dyskusiju pa abranaj temie.
Videarolik z prezientacyjaj realizavanaha prajekta i tłumačeńniem jaho značnaści i pierśpiektyŭnaści nieabchodna źmiaścić na svajoj staroncy ŭ sacyjalnych sietkach z chešteham #velcomYOUTH i dasłać spasyłku na [email protected].
Aŭtary samych značnych, sučasnych i aryhinalnych prajektaŭ patrapiać u lik 10 finalistaŭ. Jany naviedajuć TEDxMinsk 2019 i pačnuć pracavać nad prezientacyjaj svajoj idei z najlepšymi mientarami. Ich vystupy projduć na vynikovaj imprezie TEDxMinsk u mai 2019 hoda.
Usie 10 finalistaŭ atrymajuć pryzy — mabilnyja telefony iPhone Xs, a troje pieramožcaŭ (pa adnym u kožnym kirunku konkursu) buduć zaprošanyja na mierapryjemstva TEDx u Aŭstryju.
Kamientary