Adziny deputat u kamisii pa rasśledavańni źbićcia ludziej: Mianie nie zaprašali, ja ž u adpačynku
Jašče naprykancy žniŭnia hienieralnaja prakuratura abviaściła, što pad jaje ehidaj stvoranaja Mižviedamasnaja kamisija, jakaja voźmie na siabie vyvučeńnie skarhaŭ ludziej, jakich źbivali i ź jakich ździekavalisia siłaviki. Užo amal sorak dzion prajšło z dnia vybaraŭ, ale pra vyniki dziejnaści kamisii zusim ničoha nie viadoma.
Deputat Pałaty pradstaŭnikoŭ Aleh Hajdukievič u intervju haziecie «Źviazda» raskazaŭ pra toje, ci buduć zaviedzienyja kryminalnyja spravy na siłavikoŭ, što prymali ŭdzieł u źbićci ludziej. «My čakajem vynikaŭ raboty mižviedamasnaj kamisii. Zapyt u ludziej na heta jość, samaje hałoŭnaje, kab usio było sumlenna i zakonna. Pa kožnym fakcie pavinny razabracca nie abstraktna, a indyvidualna», — adznačyŭ jon.
Z hetaha samaha materyjału viadoma, što ŭ pracy Mižviedamasnaj kamisii prymaje ŭdzieł adzin deputat parłamienta — heta były namieśnik hienieralnaha prakurora, pradstaŭnik Sieńnienskaj akruhi Alaksandr Dubaŭ. «NN» źviazałasia z deputatam, kab daviedacca pra pracu kamisii.
«U pracy kamisii ŭdziełu jašče nie braŭ, ja tolki z adpačynku vyjšaŭ. Pa-mojmu, dva razy jany ŭžo źbiralisia. Mianie nie zaprašali, bo viedali, što ja ŭ adpačynku. Viedaju, što tam biaruć udzieł pradstaŭniki hienprakuratury, parłamienta, MUS, Śledčaha kamiteta».
Chto ž uznačalvaje hetaje ŭtvareńnie? «Namieśnik hienieralnaha prakurora — ja dakładna nie viedaju chto», — skazaŭ nam Dubaŭ.
My paprasili deputata vykazać svajo staŭleńnie adnosna faktaŭ ździeku ź ludziej. «Jak skazaŭ prezident, treba, kab pravodziłasia pravierka: i z taho, i ź inšaha bakoŭ. My ž u parłamiencie nie možam dać pravavuju acenku. Heta pavinny rabić pravaachoŭnyja orhany».
Ci naviedvaŭ Dubaŭ paciarpiełych u balnicach, jak heta rabili niekatoryja jahonyja kalehi, u tym liku Maryja Vasilevič? «U majoj akruzie takoj patreby nie było». Skarhaŭ ad ludziej jon taksama nie atrymlivaŭ.
«NN» pasprabavała vyśvietlić niekatoryja padrabiaznaści pracy Mižviedamasnaj kamisii ŭ Hienieralnaj prakuratury.
«Naša Niva»: Deputat Dubaŭ nam paviedamiŭ, što kamisiju ŭznačalvaje adzin z namieśnikaŭ hienieralnaha prakurora, a chto mienavita?
Pres-słužba Hienprakuratury: Zdajecca, heta pytańnie ŭnutranaje. Nie tak važna, chto staŭ kiraŭnikom.
«NN»: Ludziam heta cikava.
PH: Ja nie budu paviedamlać vam hetaha. Dziakuj vialiki. Da paba…
«NN»: Prabačcie, jašče pytańnie: a pasiadžeńni ŭžo prachodzili?
PH: Davajcie pakiniem prava kamientavać heta kiraŭniku mižviedamasnaj kamisii.
«NN»: Ale ž my navat nie viedajem, chto heta taki.
PH: Usiaho vam dobraha.
U Biełarusi, jak i ŭ minułym hodzie, na pieradnavahodnija chviliny adklučyli jutub20
Kamientary