Čat GPT vałodaje biełaruskaj movaj nie prosta dobra, a bliskuča. I prymaje kamandy, i pierakładaje, i redahuje teksty

Z kožnym dniom udaskanalvajucca technałohii štučnaha intelektu. Abiacajuć, što ŭ chutkim časie jon zmoža samastojna braniravać dla vas pajezdki, a z časam navat rabić navukovyja daśledavańni. Ciapier ža kožny z nas maje vydatnuju mahčymaść absalutna biaspłatna karystacca ChatGPT i pry hetym sadziejničać jaho dalejšamu ŭdaskanaleńniu.

Hety čat-bot zdolny hienieravać teksty, adkazvajučy na zapyty karystalnikaŭ.

Pry hetym, jak pakazała naša praktyka, kali jašče hod nazad da jaho było šmat zaŭvah adnosna biełaruskaj movy, to ciapier moŭnaja jakaść adkazaŭ stała vydatnaj.

Dla taho, kab pačać karystacca ChatGPT, dastatkova stvaryć ulikovy zapis i ŭvieści asnoŭnyja danyja. U dalejšym sistema budzie zachoŭvać historyju vašych zapytaŭ i prapanoŭvać indyvidualnyja rekamiendacyi dla bolš zručnaha i praduktyŭnaha karystańnia. Pry hetym jana vydatna budzie kamunikavać z vami na biełaruskaj movie.

Tak, pry pierakładzie, u adroźnieńnie ad zvykłych anłajn-pierakładčykaŭ, ChatGPT uličvaje asablivaści kantekstu, stylu i niuansaŭ movy.

Pieravahi pierakładu praz ChatGPT vy pabačycie na prostych prykładach.

Voźmiem tekst na rasiejskaj movie: «Vo vsiech komnatach ja sam montirovał sistiemu «umnyj poł». V prošłom hodu on pieriestał normalno rabotať v dietskoj. Pośle vklučienija on praktičieski srazu otklučałsia, kak budto užie nahriełsia (chotia eto było nie tak). Prosto has datčik. Ja podumał, čto niepravilno jeho ułožił i nužno vsie pieriediełyvať. Riešił, čto raźbieruś s etim kohda-nibud́ potom»

Pierakład praz Google-pierakładčyk atrymaŭsia dasłoŭnym i miechaničnym. Tak, naprykład, słova «padłoha» zachavała mužčynski rod ruskaha słova «poł».

Pavialičyć

«Va ŭsich pakojach ja sam manciravaŭ sistemu «razumnaja padłoha». U minułym hodzie jon pierastaŭ narmalna pracavać u dziciačaj. Paśla ŭklučeńnia jon praktyčna adrazu adklučaŭsia, jak byccam užo nahreŭsia (choć heta było nie tak)…».

A voś jaki vynik pierakładu ChatGPT, našmat lepšy:

Pavialičyć

«Usie pakoi ja samastojna abstalavaŭ sistemaj «razumnaja padłoha». U minułym hodzie jana pierastała narmalna pracavać u dziciačym pakoi. Paśla ŭklučeńnia padłoha amal adrazu vyklučałasia, nibyta ŭžo nahrełasia (choć heta było nie tak)…».

Kali vam niešta nie padabajecca ŭ pierakładzie, to vy možacie zrabić zaŭvahu ChatGPT, paprasić zapomnić kantekst vykarystańnia kankretnaha słova.

Tak pry pierakładzie tekstu na anhlijskaj movie: «Benchmark Treasury yields edged up toward 4.6% The yield on the 10-year note had settled Thursday at 4.577%. Investors are concerned about stubborn U.S. inflation and uneven growth, with data Thursday showing the number of new workers collecting unemployment benefits at its highest level since 2018»

sistema vydatna razabrałasia ź pierakładam śpiecyfičnaj terminałohii, ale nam nie spadabaŭsia pierakład słova «data» na biełaruskuju movu jak «dadzienyja».

Pavialičyć

«Bazavyja dachodnaści kaznačejskich ablihacyj pavolna padymalisia ŭ bok 4,6%. Dachodnaść 10-hadovaj ablihacyi ŭ čaćvier składała 4,577%. Inviestary zaniepakojenyja ŭpartym uzroŭniem inflacyi ŭ ZŠA i niaroŭnym ekanamičnym rostam, pry hetym dadzienyja ŭ čaćvier pakazali, što kolkaść novych rabotnikaŭ, jakija atrymlivajuć dapamohu pa biespracoŭi, dasiahnuła samaha vysokaha ŭzroŭniu z 2018 hoda».

Paśla prośby zamiest jaho vykarystoŭvać słova «źviestki», jana vypraviłasia.

Pavialičyć

Akramia zvykłaha pierakładu, ChatGPT na vydatnaj biełaruskaj movie dapamoža razabracca ŭ asablivaściach zamiežnaj movy.

Tak sprabujučy vyśvietlić, nakolki dakładny pierakładčyk pieradaŭ słovy Łukašenki, my spytali ŭ ChatGPT: «Ci možna skazać tak: We were discussing this fucking artificial intelligence».

I atrymali adkaz:

Pavialičyć

«Tak, možna skazać «We were discussing this fucking artificial intelligence», ale varta ŭličvać kantekst. Užyvańnie słova «fucking» nadaje vyrazu vielmi mocnuju emacyjnuju afarboŭku, jakaja moža vyražać razdražnieńnie, hnieŭ abo niehatyŭny sarkazm. Heta słenh, i jon moža być niefarmalnym abo navat hrubym u zaležnaści ad situacyi.

Taki vyraz bolš padychodzić dla niefarmalnych razmoŭ, asabliva kali vy chočacie mocna padkreślić svaje emocyi. U aficyjnym kantekście abo ŭ vietlivaj razmovie lepš vybrać inšyja słovy, naprykład, «frustrating,» «damn,» «infuriating».

Naprykład:

We were discussing this damn artificial intelligence.

We were discussing this frustrating artificial intelligence».

Zaŭvažym, što ChatGPT nie zaŭsiody idealna spraŭlajecca z pastaŭlenymi zadačami, naprykład, ź pierakładam ustojlivych słovazłučeńniaŭ, frazieałahizmaŭ, ale jon zdolny vučycca na svaich pamyłkach. Važna źviartać uvahu na niedakładnaści i paviedamlać pra ich.

Heta asabliva aktualna dla vykarystańnia biełaruskaj movy: kab madel pastajanna palapšała svaje navyki ŭ hetym kirunku, nieabchodna aktyŭna razmaŭlać ź joj pa-biełarusku i vykarystoŭvać movu dla farmuliroŭki zadač.

Čym bolš ludziej buduć vykarystoŭvać biełaruskuju movu ŭ kamunikacyi z ChatGPT, tym bolš matyvacyi budzie ŭ jaho stvaralnikaŭ udaskanalvać padtrymku hetaj movy. Heta važny krok dla raźvićcia i pašyreńnia mahčymaściaŭ biełaruskaj movy ŭ sučasnaj technałahičnaj prastory.

• 54
• 0
• 0
• 4
• 2
• 0
• 0
• 2