Častka supracoŭnikaŭ IT-kampanii Fibery praz palityčnuju situacyju ŭ krainie była vymušanaja pakinuć Biełaruś.
Pra heta ŭ spravazdačy za maj paviedamiŭ jaje zasnavalnik Michaił Dubakoŭ. Sam jon vyjechaŭ na Kipr, piša Radyjo Svaboda.
«Usia kamanda raspracoŭnikaŭ pracavała ź minskaha ofisa. Ale bolš nie pracuje. Palityčnaja situacyja ŭ Biełarusi prymušaje ludziej emihravać u inšyja krainy. Ciapier 5 čałaviek z našaj kamandy na Kipry, jašče 5 — u Polščy».
U spravazdačy ajcišnik nazyvaje pryčyny, jakija prymusili da radykalnaha kroku — zakryćcio TUT.BY i incydent z samalotam Ryanair. Padziei, jakija stali apošniaj kroplaj dla mnohich biełarusaŭ u rašeńni pakinuć krainu.
«Možacie ŭjavić, jak składana ŭ takich umovach čalcam kamandy fakusavacca na raźvićci Fibery. Rełakiejt — składany psichałahičny praces. Adnak my pavinny prajści praz hetyja turbulentnyja časy i vyžyć», — zaznačyŭ Michaił Dubakoŭ.
Pry hetym jon ličyć, što ŭ pierajeździe jość i pazityŭnyja rečy. U pryvatnaści, razumieješ sutnaść addalenaj kamunikacyi, praź źmianšeńnie sacyjalnych kantaktaŭ bolš pracuješ, a samaje hałoŭnaje — va ŭmovach biaśpieki supracoŭniki-emihranty lepš fakusujucca na zadačach, čym u niepradkazalnaj Biełarusi.
IT-pradprymalnik Michaił Dubakoŭ u 2004 hodzie zasnavaŭ kampaniju Targetprocess, jakaja raspracoŭvała sistemy kiravańnia prajektami. Niekalki hadoŭ tamu pryciahnuŭ 5 młn dołaraŭ inviestycyj ad «Zubr Kapitału» i JEBRR. Pazaletaś zapuściŭ płatformu dla mieniedžmientu prajektaŭ Fibery.
Što zapisana aficyjnaj pryčynaj śmierci adzinaha syna Jarmošynaj?9
Kamientary