U DAI znoŭ nie pracuje infarmacyjnaja baza. Z-za hetaha kiroŭcy nie mohuć pieraaformić aŭtamabili
U DAI znoŭ nie pracuje kampjutarnaja baza, z-za hetaha niemahčyma pieraaformić aŭto. Pra situacyju paviedamlajuć aŭtamabilisty, jakija stajać u čarzie ŭ mižrajonny rehistracyjny adździeł DAI ŭ Ždanovičach, piša Zerkalo.io.
Siońnia z ranicy aŭtamabilisty, jakija pryjechali ŭ MRA DAI ŭ Ždanovičach na pieraafarmleńnie mašyn, pačali paviedamlać, što im nie mohuć akazać hetuju pasłuhu.
— Kažuć, što nie pracuje baza źviestak DAI va ŭsioj krainie, z ranicy z 8.00 nijakaj infarmacyi, u čarzie chvalujucca, — paviedamiŭ čytač.
Pa telefonie ŭ MRA DAI Minska žurnalistu jak fizičnaj asobie paćvierdzili, što «pakul ničoha nie pracuje».
— Heta pa ŭsioj respublicy. Telefanujcie paźniej — adkazała supracoŭnica.
Prablemy z dostupam da infarmacyjnaj bazy DAI naziralisia ŭ lipieni minułaha hoda. Tady ŭ MUS paviedamlali, što dostup prypynieny «ŭ suviazi z praviadzieńniem płanavych prafiłaktyčnych rabot na sietcy pieradačy danych». Paźniej u viedamstvie zajavili, što adna z pryčyn situacyi — anamalnaja śpiakota.
Pry hetym «kibierpartyzany» śćviardžali, što heta jany ŭzłamali bazu DAI i atrymali jaje źviestki.
Što zapisana aficyjnaj pryčynaj śmierci adzinaha syna Jarmošynaj?9
Kamientary