Supracoŭniki Vietkaŭskaha RAUS zaŭvažyli prapažu plit naściłu z aŭtamabilnaha mosta praz raku Biesiadź u rajonie adnajmiennaj adsielenaj vioski. Faktyčna zbudavańnie pryjšło ŭ nieprydatny dla ekspłuatacyi stan, bo było źniata 8 mietaličnych plit.
«Kala raki arhanizavali zasadu. Nočču 7 kastryčnika na moście z łomikami źjavilisia dvoje nieviadomych. Pry sprobie źniaćcia elemienta mietaličnaj kanstrukcyi jany byli zatrymanyja», — raspaviali va UUS. Złamyśnikami akazalisia 28-hadovyja biespracoŭnyja žychary Vietki i Homiela. Skradzienyja mietaličnyja kanstrukcyi jany zdavali na mietałałom.
Abodva zatrymanyja raniej traplali ŭ pole zroku milicyi. Jany byli nieadnarazova sudzimyja za kradziež, rabavańnie i razboj.
Śledčyja raspačali kryminalnuju spravu pa fakcie naŭmysnaha pryviadzieńnia ŭ nieprydatnaść šlachoŭ złučeńnia. Apieratyŭniki kryminalnaha vyšuku praviarajuć dačynieńnie hramadzian da ździajśnieńnia anałahičnych pravaparušeńniaŭ.
Kamientary