Resursy, kudy vy zachodzicie štodzień, mohuć stać kaštoŭnaj dapamohaj na šlachu da biełarusizacyi. Raskazvajem, jak pieravieści na rodnuju movu telehram, fejsbuk i inšyja sacsietki i miesiendžary.
Telehram
Kali chočacie źmianić movu ŭ mabilnym dadatku telehrama, adkryjcie «Nałady». Vam treba «Mova», jana ŭ kancy śpisu. Dalej naciskajcie na punkt «Biełaruskaja». Hetkim ža čynam źmianiajem movu i ŭ viersii miesiendžara dla kampjutara.
Jość i bolš prosty sposab pieraklučyć miesiendžar na biełaruskuju movu — dastatkova pierajści pa hetaj spasyłcy: t.me/setlanguage/be.
Vajbier
U vypadku z mabilnym dadatkam źmianić movu možna amal hetak ža, jak u minułym miesiendžary. Na hałoŭnaj staroncy naciśnicie na try kropki, što ŭ pravym nižnim kucie, i vybierycie punkt «Nałady». U novym mieniu kliknicie na punkt «Ahulnyja» (General). Znajdzicie punkt «Mova» i vybierycie biełaruskuju.
U kampjutarnaj viersii vajbiera ŭsio praściej. U vierchnim mieniu znajdzicie punkt «Nałady» i kliknicie pa radku «Ulikovy zapis». Vybirajcie punkt «Źmianić movu» i šukajcie ŭ śpisie biełaruskuju.
«Ukantakcie»
Kali vy vykarystoŭvajecie veb-viersiju servisu, adkryjcie svaju staronku i naciśnicie na vierchniuju knopku z vašym avataram. U mieniu, što adkryjecca, vybierycie punkt «Nałady» i raździeł «Akaŭnt i źniešni vyhlad», prakrucicie jaho da nizu i ŭ punkcie «Mova» vybierycie biełaruskuju (možna navat spynicca na taraškievicy).
U vypadku z mabilnaj viersijaj praces budzie vyhladać trochi pa-inšamu. Vam treba adkryć hałoŭnuju staronku resursu m.vk.com, potym nacisnuć na značok u vyhladzie troch pałosak u pravym nižnim kucie. Adkryjecca ŭkładka «Mieniu», u jakoj vam treba budzie znajści značok-šaściarniu ŭ pravym vierchnim kucie staronki. Tak vy trapicie ŭ «Nałady». Potym pierachodźcie ŭ raździeł «Akaŭnt», paśla čaho — u błok «Rehijanalnyja nałady». Narešcie, tam vybierycie biełaruskuju movu dla svajho profilu i naciśnicie ŭ kancy na knopku «Zachavać».
Tyja, chto karystajecca sacsietkaj praz dadatak, na žal, pakul nie mohuć pieravieści jaho na biełaruskuju movu.
Fejsbuk
U vypadku z veb-viersijaj sacsietki źmianiajem movu padobnym čynam, jak i «Ukantakcie». Naciśnicie na svoj avatar u pravym vierchnim kucie i ŭ mieniu, što adkryłasia, vybierycie punkt «Nałady i pryvatnaść», u novym mieniu naciśnicie na punkt «Mova» — jon budzie apošnim. U hrafie «Mova Facebook» naciśnicie «Źmianić», vybierycie biełaruskuju i zachavajcie źmieny.
Što da mabilnaj viersii fejsbuka, naciśnicie na značok, što vyhladaje jak try pałoski, u pravym vierchnim kucie. U mieniu, što adkryjecca, treba vybrać punkt «Nałady i pryvatnaść» i nacisnuć na jaho — pad im adkryjecca hrafa «Mova». U hetym raździele vybierycie biełaruskuju movu.
Kali ŭ vas fejsbuk pracuje praz dadatak i vy majecie telefon na płatformie Android, robim nastupnym čynam. Jak i ŭ minułym abzacy, adkryjcie mieniu «Nałady i pryvatnaść», potym vybierycie punkt «Nałady». U novym mieniu naciśnicie na «Mova i rehijon», vybierycie punkt «Mova dla knopak, zahałoŭkaŭ i inšaha tekstu na Facebook», znajdzicie ŭ śpisie biełaruskuju movu i naciśnicie na jaje.
Što rabić, kali ŭ vas dadatak dla iPhone? Treba vyrašać pytańnie praz hadžet, na jakim u vas ŭstalavany dadatak, bo fejsbuk aŭtamatyčna vykarystoŭvaje movu, zadadzienuju na iPhone.
«Adnakłaśniki»
U desktopnaj viersii sacsietki źmianić movu vielmi prosta. Na hałoŭnaj staroncy vašaha profilu znajdzicie punkt «Mova» ŭ pravym vierchnim kucie, kliknicie pa im i vybierycie ŭ śpisie biełaruskuju movu.
Kali vy karystajeciesia sacsietkaj praz mabilny dadatak i žadajecie pierajści na biełaruskuju, naciśnicie ŭ mieniu na knopku «Nałady» (jana moža być pradstaŭlenaja ŭ vyhladzie šaściarni ŭ pravym vierchnim kucie) i vybierycie «Nałady profilu». Dalej vybirajem punkt «Źmianić movu» i ŭžo tam znachodzim u śpisie biełaruskuju movu.
Chočacie biełarusizavać instahram, tvitar, vatsap dy skajp? Vymušanyja vas rasčaravać: na hetych resursach biełmoŭny interfiejs pakul što nie dastupny.
«Naša Niva» — bastyjon biełaruščyny
PADTRYMAĆŠto za novaja sacsietka, jakoj cikaviacca biełarusy?
Stvaralnik tvitara abjaviŭ pra stvareńnie novaj sacyjalnaj sietki
Rozyhryšy ŭ Instagram — ašukanstva ci realnaja mahčymaść atrymać kruty pryz i raźvić svoj akaŭnt?
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary