U Mahilovie z aŭkcyjonu źbirajucca pradać ciepłachod «Mara». Raniej u letni siezon jon vykarystoŭvaŭsia dla ekskursij, a ciapier dla jaho šukajuć pakupnika, zaŭvažyŭ «Anłajnier».
Tarhi pryznačanyja na 11 maja, pačatkovy košt łota — 308 382 rubli 45 kapiejek.
Ciepłachod raźličany na 120 pasažyraŭ, u letni čas jon raniej vykarystoŭvaŭsia dla ekskursij, ale nie akuplaŭsia. Transpartny srodak spačatku znachodziŭsia na bałansie Babrujskaha vodakanała, paśla pierajšoŭ «Mahiloŭabłvodakanału», a tam pryniali rašeńnie vystavić aktyŭ na tarhi.
Kali dla ciepłachoda znojdziecca pakupnik, to, chutčej za ŭsio, i jamu pryjdziecca vykarystoŭvać sudna dla ekskursij. Pierarabić abjekt u chosteł ci mini-hatel na vadzie budzie składana: tam dva nie vielmi vialikija trumy.
«Hod naradžeńnia ŭ jaho 1958-y. U 2009-m byŭ kapitalny ramont ciepłachoda ŭ Pinsku, stavili novy ruchavik, a z 2020 hoda ciepłachod ekspłuatavali ŭ Babrujsku ŭ letni siezon — heta litaralna 2-3 miesiacy na hod, astatni čas jon stajaŭ. Apošni raz ekspłuatavaŭsia ŭ 2021 hodzie», — raskazali «Anłajnieru» pradstaŭniki vodakanała.
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha12
Aŭtaślesar, aficyjant, tancor u Tajłandzie, roli ŭ «Muchtary» i «Svatach». Piać faktaŭ pra novaha ministra kultury Čarnieckaha
«Možna ŭziać aŭtamat i pierasiekčy miažu?» Pavuk spytaŭ u pamiežnikaŭ, ci zakonna rasijskija vojski ŭ 2022 hodzie pierajšli biełaruska-ŭkrainskuju miažu66
Kamientary