Kudy schadzić u Varšavie pajeści i vypić? Zrabili padborku kafe i baraŭ ź biełaruskim kapitałam. Tut i piceryi, i miesca dla pryhožych śniadankaŭ, i tusovačnyja łakacyi.
Kakao Warszawa
U kancy minułaha hoda biełarusy adkryli ŭ Varšavie kaviarniu «Kakao» z chatniaj vypiečkaj pa siamiejnych i rehijanalnych receptach. Bułki-vuziałki z karycaj, limonnyja i markoŭnyja pirahi, trubački, areški…
Pra biełaruskija karani možna daviedacca adrazu, ubačyŭšy łahatyp kampanii.
Znachodzicca ŭstanova pa adrasie Grochowska, 248. Hadziny pracy: paniadziełak-piatnica z 7:00 da 18:00. U vychadnyja dni kaviarnia adčynienaja z 11 da 16 hadzin.
Beer Station
Našy ziemlaki majuć u Varšavie navat cełuju sietku pabaŭ Beer Station. Adzin z baraŭ znachodzicca ŭ centry na vulicy Lwowska, 17, druhi — u mikrarajonie Ursynaŭ pa adrasie Aleja Komisji Edukacji Narodowej, 47, treci — u rajonie Praha-Poŭnač na vuł. Kępna, 15.
Bary pracujuć z 14:00 da 24:00.
Pieršy bar sietki biełarusy adkryli jašče na pačatku 2020 hoda. Va ŭstanovach Beer Station taksama adbyvajucca kancerty biełaruskich muzykaŭ, vystupy stendapieraŭ i inšyja mierapryjemstvy.
The Morning After, the Night Before
U kancy krasavika biełarusy adkryli ŭ Varšavie urban-kaviarniu The Morning After, the Night Before. Kali vy lubicie pryhoža paśniedać — vam siudy. Na śniadanak prapanujuć roznyja boŭły, stravy ź jajek, syrniki.
U mieniu taksama sałaty, łasoś, tuniec, rostbif.
Kaviarnia znachodzicca pa vulicy Poznańska, 7. Pracuje z 8 da 23 hadzin z paniadziełka pa čaćvier, da 1-j hadziny nočy pa piatnicach i subotach i da poŭnačy pa niadzielach.
Back Door Bar
Bar źjaviŭsia zusim niadaŭna. Jaho adkryŭ były palitviazień i eks-kiraŭnik OK16 Lavon Chałatran razam z adnadumcami.
Haściam prapanoŭvajuć burhiery i piva, a taksama płanujuć pakazvać spartovyja tranślacyi. Heta nie načny kłub, a, chutčej, tusovačnaja prastora.
Pa piatnicach i subotach bar pracuje da dźviuch hadzin nočy, a ŭ astatnija dni — da poŭnačy. Znachodzicca bar na vulicy Shmielna 7/9.
Gigi bar
U pieršyja dni viasny ŭ Varšavie adkryŭsia džyn-tonik bar Gigi. Ułaśniki bara — biełarusy Hanna i Jahor, jakija ŭ 2021 hodzie pierajechali ź Biełarusi ŭ Kijeŭ, a adtul — u Varšavu. Maładyja ludzi raskazali, što na adkryćcio ŭstanovy ŭ ich syšło bolš za 100 tysiač dalaraŭ.
U mieniu šmat rybnych pazicyj. Siarod firmovych straŭ — tartar z łasosia, jaki padajecca z toŭstym płastom ikry źvierchu, a taksama tartar z tunca.
Bar znachodzicca pa adrasie vuł. Oboźna, 9. Hadziny pracy nastupnyja: u piatnicu i subotu z 17 da dźviuch hadzin nočy, a ŭ astatnija dni tydnia z 17 da hadziny nočy.
Bar Karma
Historyja bara pačynałasia ŭ Minsku. Ustanova z takoj nazvaj źjaviłasia ŭ biełaruskaj stalicy jašče ŭ 2014 hodzie. Paźniej, u 2021-m, adzin z zasnavalnikaŭ Hleb Kavaloŭ pierajechaŭ u Kijeŭ, adkul u 2022-m byŭ vymušany pierajechać u Varšavu, dzie i adbyłosia treciaje pryšeście «Karmy».
U stalicy Polščy bar znachodzicca pa adrasie Aleja 3 Maja, 15. Sam bar nievialiki, tamu mnohija hości tusujucca prosta na vulicy la ŭvachoda. Miesca atmaśfiernaje — pad vialikim aŭtamabilnym mostam placoŭka na vulicy zasłanaja dyvanami.
U budnyja dni bar pačynaje pracavać z 18 hadzin, a ŭ vychadnyja — z 16:20. Čas pracy nieabmiežavany.
Prosushi
Hety sušy-restaran biełarusy adkryli letam 2021 hoda.
Adras: mikrarajon Makotaŭ, vuł. Komputerowa, 9a. Hadziny pracy ŭ piatnicu i subotu — z 12:00 da 23:00. U astatnija dni — z 13:00 da 22:00.
Pizza Wilczyzza
Jašče adna ŭstanova, jakaja taksama brała pačatak u Biełarusi, — Pizza Wilczyzza («Pica Vaŭčyca»), jakaja pierajechała ź Minska. U Biełarusi piceryja pracavała pad nazvaj «Pica Lisica» — top dla amataraŭ picy ź vialikim słojem načynki i sousaŭ.
Nabyć picu možna tolki z dastaŭkaj, jakaja pracuje z 12:00 da 1:00 pa piatnicach i subotach i z 12 dnia da poŭnačy ŭ astatnija dni. U apisańni paznačana, što abo picu pryviazuć za 45 chvilin, abo jaje addaduć biaspłatna.
«Inkluziŭny barysta»
Takuju kaviarniu viadomy vazočnik ź Lidy Saša Aŭdzievič adkryvaŭ jašče ŭ Biełarusi. Ciapier inkluziŭnaje miesca jość i ŭ Varšavie. Znachodzicca kaviarnia ŭ pamiaškańni Biełaruskaha moładzievaha chaba (plac Konstytucji, 6), tamu, aproč kavy, tam vy možacie nabyć knihi biełaruskich vydaŭcoŭ i suvieniry.
Aproč hatovaj kavy, u kaviarni možna nabyć kavu ŭ zierniach ci mołatuju dadomu, kab samomu pryhatavać lubimy napoj.
Kaviarnia pravodzić taksama kursy barysty.
Icon sushi
Možna zamović sušy z dastaŭkaj ad biełarusaŭ. Jany pracujuć ź lipienia 2020 hoda.
Pa piatnicach i subotach sušy možna zamović z 13-j da 23-j hadziny, a ŭ astatnija dni — z 12:00 da 22:00.
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»6
«Nam po**j. Kali pa rukach nie daduć za niezakonnaje zatrymańnie, možam i babulu razam ź imi zakryć»
Ci zdaść Tramp Ukrainu Rasii? Čamu demakraty razhromlenyja? Da čaho pryviadzie kantrol respublikancaŭ nad vykanaŭčaj i zakanadaŭčaj uładaj adnačasova?8181
Kamientary