Likvidujecca minski zabaŭlalny park «Drymłend», ułaśnik «straciŭ cikavaść da prajekta»
Jurydyčnuju asobu, jakaja kiravała parkam «Drymłend», likvidujuć. Infarmacyja pra heta źjaviłasia na sajcie Adzinaha dziaržaŭnaha rehistra, zaŭvažyŭ Office Life. Heta, vidać, aznačaje, što pierastanie isnavać i sam park.
Park byŭ zarehistravany ŭ 2014 hodzie. Pieršapačatkova ŭ im byli atrakcyjony i adkryty akvapark.
Ale ŭ apošnija hady ŭ «Drymłenda» byli vialikija ciažkaści. U vyniku hetym letam na terytoryi parku nie adkryłasia navat akvazona z basiejnami, a ŭ siaredzinie lipienia stała viadoma, što kampaniju likvidujuć.
Jak rastłumačyli Office Life pradstaŭniki likvidatara, rašeńnie było pryniata ŭłaśnikam, jaki straciŭ cikavaść da prajekta. Na kaniec lipienia kredytorskaj zapazyčanaści ŭ kampanii niama, tolki biahučaja — prykładna adna tysiača rubloŭ.
Kamientary