Płanavyja pravierki arhanizacyj. Da kaho zavitajuć z pravierkaj užo ŭ kastryčniku
Kamitet dziaržkantrolu abnaviŭ śpisy arhanizacyj, da jakich kantrolnyja orhany zavitajuć z pravierkaj užo ŭ kastryčniku.
Pačynajučy z 2019 hoda na sajcie KDK publikujuć śpisy arhanizacyj, da jakich u ramkach vybaračnaj pravierki musiać zavitać kantralory. Pryčym heta moža być nie tolki niepasredna sam KDK, ale i inšyja viedamstvy, pačynajučy ad padatkovaj i Ministerstva pracy i sacyjalnaj abarony da MNS i Biełstata.
U apublikavanym śpisie pa stanie na 14.09.2023 hoda paznačana bolš za 150 subjektaŭ haspadarańnia, jakija źbirajucca pravieryć roznyja viedamstvy ŭ najbližejšyja try miesiacy.
Tak, naprykład, u Minsku ŭ kastryčniku pravierku ad MNS čakajuć u «Minsk-Łada».
«Biełaeranavihacyju» i «Kamunarku» u nastupnym miesiacy čakaje pravierka ad FSAN. Taksama pravierku ad Minpracy buduć čakać u Nacyjanalnym akademičnym Vialikim teatry opiery i baletu.
«Kinavideaprakat» budzie praviarać prakuratura Leninskaha rajona Minska, a Minski zavod ihrystych vin čakaje pravierka ad Minpryrody.
Najbolš śviežyja śpisy arhanizacyj i IP, jakich čakajuć pravierki, na hety momant apublikavanyja pa troch abłaściach: Homielskaj, Hrodzienskaj i Mahiloŭskaj. Tam apošniaje abnaŭleńnie było zroblena 21 vieraśnia.
Pamiž rehijonami kantrolnaja aktyŭnaść raźmierkavanaja nieraŭnamierna. Tak, u Homielskaj vobłaści siarod zapłanavanych na kastryčnik u śpisie tolki čatyry arhanizacyi, jakija čakajuć pravierki. U toj čas jak u Hrodzienskaj takich 49, a ŭ Mahiloŭskaj — 84.
Aznajomicca z poŭnym śpisam arhanizacyj i IP, jakich čakajuć pravierki, možna pa spasyłcy.
Čytajcie taksama:
Čynoŭnik prahavaryŭsia, jak pamirajuć zavody pry Łukašenku
Kolki nabližany da Łukašenki biznesmien budzie zarablać na abaviazkovaj dezynfiekcyi transpartu na miažy
Što zapisana aficyjnaj pryčynaj śmierci adzinaha syna Jarmošynaj?9
Kamientary