Планавыя праверкі арганізацый. Да каго завітаюць з праверкай ужо ў кастрычніку
Камітэт дзяржкантролю абнавіў спісы арганізацый, да якіх кантрольныя органы завітаюць з праверкай ужо ў кастрычніку.
Пачынаючы з 2019 года на сайце КДК публікуюць спісы арганізацый, да якіх у рамках выбарачнай праверкі мусяць завітаць кантралёры. Прычым гэта можа быць не толькі непасрэдна сам КДК, але і іншыя ведамствы, пачынаючы ад падатковай і Міністэрства працы і сацыяльнай абароны да МНС і Белстата.
У апублікаваным спісе па стане на 14.09.2023 года пазначана больш за 150 суб'ектаў гаспадарання, якія збіраюцца праверыць розныя ведамствы ў найбліжэйшыя тры месяцы.
Так, напрыклад, у Мінску ў кастрычніку праверку ад МНС чакаюць у «Мінск-Лада».
«Белаэранавігацыю» і «Камунарку» у наступным месяцы чакае праверка ад ФСАН. Таксама праверку ад Мінпрацы будуць чакаць у Нацыянальным акадэмічным Вялікім тэатры оперы і балету.
«Кінавідэапракат» будзе правяраць пракуратура Ленінскага раёна Мінска, а Мінскі завод ігрыстых він чакае праверка ад Мінпрыроды.
Найбольш свежыя спісы арганізацый і ІП, якіх чакаюць праверкі, на гэты момант апублікаваныя па трох абласцях: Гомельскай, Гродзенскай і Магілёўскай. Там апошняе абнаўленне было зроблена 21 верасня.
Паміж рэгіёнамі кантрольная актыўнасць размеркаваная нераўнамерна. Так, у Гомельскай вобласці сярод запланаваных на кастрычнік у спісе толькі чатыры арганізацыі, якія чакаюць праверкі. У той час як у Гродзенскай такіх 49, а ў Магілёўскай — 84.
Азнаёміцца з поўным спісам арганізацый і ІП, якіх чакаюць праверкі, можна па спасылцы.
Чытайце таксама:
Чыноўнік прагаварыўся, як паміраюць заводы пры Лукашэнку
Колькі набліжаны да Лукашэнкі бізнэсмен будзе зарабляць на абавязковай дэзынфекцыі транспарту на мяжы
Што запісана афіцыйнай прычынай смерці адзінага сына Ярмошынай?9
Каментары