Vyjšaŭ rejtynh krain z padatkaabkładańniem «jak u piekle». Biełaruś zaniała tam pieršaje miesca
Amierykana-arhiencinski daśledčy prajekt The 1841 Foundation apublikavaŭ śpis krain z samymi drennymi sistemami padatkaabkładańnia. Analiz hruntujecca na danych Suśvietnaha banka i Mižnarodnaha valutnaha fondu.
U novym rejtynhu ad prajekta The 1841 Foundation, jaki ładziŭsia daśledčykami z ZŠA i Arhienciny, razhladalisia padatkovyja sistemy 82 krain (biez uliku Afryki, Azii i Aŭstralii).
Za asnovu bralisia danyja ab kolkasnych (padatkovy i daŭhavy cisk) i jakasnych (uzrovień karupcyi) finansavych pakazčykach krain za 2021 hod ad Suśvietnaha banka i Mižnarodnaha valutnaha fondu. Taksama ŭličvalisia ŭzroŭni inflacyi, dziarždoŭhu, viaršenstva prava, hałosnaści, palityčnaj stabilnaści i h.d.
Sam rejtynh atrymaŭ nazvu «Padatkovaje piekła — 2023» (Tax Hell Index 2023), i ŭ vyniku pieršaje miesca antyrejtynha pa padatkaabkładańni siarod usich razhledžanych krain zaniała Biełaruś.
«Pieršaje miesca ŭ antyrejtynhu pa padatkaabkładańni zaniała Biełaruś, adna z samych biednych krain Jeŭropy pa ahulnym uzroŭni dabrabytu. Analiz pakazaŭ značnaje paharšeńnie jakaści ekanamičnaha dziaržaŭnaha kiravańnia, uśled za jakim idzie pavieličeńnie fiskalnaha cisku na nasielnictva.
Vidavočna, što Biełaruś stavić pryvilei i intaresy svajho kiraŭnika vyšej za indyvidualnyja pravy svaich hramadzian», — napisana ŭ spravazdačy daśledčaha prajekta The 1841 Foundation.
Śledam za Biełaruśsiu ŭ top-3 iduć Vieniesueła i Arhiencina. Rasija zaniała dziaviataje miesca. Usiaho ž naminacyju «Padatkovaje piekła» zavajavali 13 krain.
Daśledčyki adznačajuć, što top-3 antyrekardsmienaŭ z momantu letašniaha rejtynha nie pamianiaŭsia ŭvohule. Biełaruś hetak ža zajmała pieršaje miesca.
Nakolki realistyčny prahnoz raźvićcia ekanomiki na nastupny hod
Bahatyja taksama płačuć. U Biełarusi chočuć uvieści padatak na zvyšprybytki i darahija aŭto
Siastra Kaleśnikavaj prapanavała ŭ Bruseli try kroki, jakija treba zrabić dla vyzvaleńnia palitviaźniaŭ23
Kamientary
1) stavki nałohov. V etom voprosie v Biełarusi oni sopastavimi s jevropiejskimi
2) nałohobłahajemaja baza, vot tut voprosy. V Biełarusi zatraty prichoditsia dokazyvať každyj punkt s kučiej dokazatielstv. Pričiem płatiť za eti dokazatielstva (naprimier normy śpisanija).
3) iźmienienija nałohovoho zakonodatielstva. V Biełarusi zadnim čisłom i za 5 let. Eto treš. T.n. droblenije biźniesa
4) riešienije voprosa o pohašienija zadołžiennosti. V Biełarusi, jeśli dieło na kontrole DFR , to kak praviło naručniki i SIZO. V poślednieje vriemia s ariestom imuŝiestva stali vdumčivieje. Choť riealizovať možno dla pohašienija. A nie izjatije kak rańšie.
Jeśli iz etich kritierijev riejtinh, to tohda piervoje miesto zamłužieno