Pamiatajecie dobra apranutuju dziaŭčynu z ajfonam, jakaja «stralaje» pa 20 rubloŭ? Heta nie adziny jaje sposab razvodu minakoŭ
Alena źbiraje ź minčukoŭ u Lebiadzinym pa 20 rubloŭ (časam atrymlivajecca i bolš), ale viartać nie śpiašajecca. Paśla publikacyi hetaj historyi ŭ redakcyju Onliner napisali jašče niekalki čałaviek, jakija śćviardžajuć, što heta nie adzinaja schiema.
Kupić pradukty
Niekalki čytačoŭ raspaviali, što Alena padychodziła da ich u kramach z prośbaj apłacić pakupki. Niechta adkazvaŭ, što niama hrošaj, i admaŭlaŭ, niechta vyrašaŭ dapamahčy.
— Ja stajaŭ na kasie, kali jana padyšła i paprasiła apłacić pakupki: jaje karta pryviazana da telefona, a jon razradziŭsia (u rukach jana pry hetym trymała iPhone pro-madeli). Apranutaja była nie biedna, i pa tvary nie skažaš, što jana pradstaŭnik niaščasnych płastoŭ nasielnictva, — apisvaje Illa listapadaŭskuju situacyju.
Na kasie za pradukty atrymałasia kala 30 rubloŭ. Alena abiacała adpravić ich na telefon praz chvilin 15, jak znojdzie zaradku. Dla pierakanaŭčaści pakinuła svoj numar.
Illa pačakaŭ hadzinu, potym patelefanavaŭ niekalki razoŭ — numar byŭ niedastupny.
— Zahuhliŭ numar telefona, pa pieršaj spasyłcy znajšoŭ vodhuki ab tym, što heta machlarka.
U hetaj situacyi 30 rubloŭ nie škada. Aburany tolki tym, što taki čałaviek moža adkryta, spakojna i biaskarna zajmacca hetym nie pieršy miesiac (a moža, i hod). Tvar jana nie chavaje, na kamiery kramy, moža, niešta patrapiła.
Padobnaja historyja ŭ Maksima, tolki jana adbyłasia ŭžo ŭ inšaj kramie i ŭ śniežni. Numar mabilnaha, proźvišča i inicyjały dziaŭčyny supadajuć.
— Jana padychodziła na kasie samaabsłuhoŭvańnia. Skazała, što sieŭ telefon i nie moža apłacić krychu praduktaŭ — na 23 rubli. Abiacała, što adrazu ž pieraviadzie hrošy ŭ dadatku banka pa numary mabilnaha, jak zaradzić telefon, praz 15 chvilin.
Źniać kvateru
Jašče bolš dziŭnaja historyja zdaryłasia ŭletku, tam taksama zaśviaciŭsia numar, ź jakim źviazvajuć Alenu. U rajonie «Minsk-Śviet» da Kiryła prykładna ŭ dźvie hadziny nočy padyšła žančyna i paprasiła dapamahčy z apłataj kvatery na sutki.
Lehienda była takoj: pryjechała z Maskvy, apłacić kvateru nie atrymlivajecca z-za prablem z bankaŭskim pieravodam. Jość znajomy ŭ Biełarusi, ale voś zaraz jon nie moža dapamahčy «pa techničnych pryčynach».
Dla pierakanaŭčaści Alena navat pakazała na niejkuju kvateru ŭ najbližejšaj chacie.
— Davier vyklikaŭ toj fakt, što ŭ hetym rajonie časta zdymajuć kvatery na sutki žychary inšych krain, byvaje, što pryjazdžajuć z Maskvy. U arendadaŭcaŭ hetych kvater jość aŭtamatyzavanaja sistema, jakaja paviedamlaje kod skryni z klučom paśla pieravodu srodkaŭ. I byli vypadki, krychu padobnyja na hety (ale zakančvałasia ŭsio stanoŭča).
Tady Kirył vyrašyŭ dapamahčy 100 rublami, dziaŭčyna abiacała za 30 chvilin pieravieści hrošy i pakinuła svoj numar.
— Dalej pačalisia redkija adkazy ŭ telehramie, paśla čaho jana pačała ihnaravać całkam, pry paŭtornym zvanku pa telefonnaj suviazi akazałasia, što ja ŭžo zabłakavany.
U milicyju Kirył nie źviartaŭsia — tady padumaŭ, što dziaŭčyna mahła prosta zabycca/zabić nakont apłaty.
— Paźniej uspomniŭ pra hetuju situacyju i vyrašyŭ pa numary telefona znajści infarmacyju ŭ internecie. Ubačyŭ, što moj vypadak nie adzinkavy i mierkavanaje imia, imia pa baćku — Alena Michajłaŭna. Hetaja infarmacyja paćvierdziłasia, kali ja vyrašyŭ pravieryć jaje numar praz funkcyju pieravodu ŭ dadatku banka.
Padobna, što ŭ niejkuju kvateru joj usio ž udałosia zasialicca. «Zdymała ŭ znajomych kvateru pasutkava. Pryjechała pozna ŭviečary, skazała: puścicie, kali łaska, zaŭtra hrošy addam. Ni zaŭtra, ni paślazaŭtra hrošaj nie pryniesła, i jaje vysielili», — śćviardžajuć čytačy i taksama pryvodziać u paćvierdžańnie numar i imia dziaŭčyny.
Uziać kredyt?
Mahčyma, heta jašče nie ŭsie historyi z udziełam Aleny. Žychary Lebiadzinaha kažuć, što pieryjadyčna jana siadzić u roznych kaviarniach, dzie ŭ jaje taksama mahičnym čynam razradžajecca telefon — jakraz da momantu apłaty. Pry hetym jana spakojna pakidaje numar telefona. Ci atrymałasia kamu viarnuć hrošy? Nam pra takija vypadki nieviadoma.
U čacie rajona abmiarkoŭvali, što dziaŭčyna prasiła pazyčyć 1000—1500 rubloŭ ci kab niechta ŭziaŭ kredyt, ale niejkich paćvierdžańniaŭ takoj historyi niama. Kali vy sutykalisia z hetym, mahčyma, varta papiaredzić i inšych.
Łukašenka choča, kab kiraŭniki rajvykankamaŭ pryznačali i dyrektaraŭ pryvatnych struktur13
Kamientary