Za hod zapazyčanaść biełaruskich pradpryjemstvaŭ pierad bankami vyrasła na 16%
Nacyjanalny bank paviedamiŭ, što zapazyčanaść biełaruskich subjektaŭ haspadarańnia pa bankaŭskich kredytach za 2023 hod dasiahnuła amal 52,4 młrd rubloŭ. Heta prykładna na 7 młrd pieravyšaje statystyku hadavoj daŭnaści, piša Office Life.
Trojka lidaraŭ pa kredytnaj zapazyčanaści nie źmianiłasia:
apracoŭčaja pramysłovaść — kala 27,5 młrd rubloŭ (rost za hod prykładna na 5 młrd), handal — 10,6 młrd (plus kala 1 młrd) i sielskaja haspadarka — 3,6 młrd (plus 0,5 młrd). Heta značyć, što na pramysłovaść prypadaje bolš za pałovu kredytnaj zapazyčanaści ŭ krainie.
Pa terminach, niahledziačy na danyja pra rost partfiela doŭhaterminovych kredytaŭ u bankach, na ich prypadaje prykładna 25,1 młrd rubloŭ ahulnaj sumy zapazyčanaści. Heta značyć kala 48%. Asnoŭny abjom — heta pa-raniejšamu karotkaterminovyja kredyty (27,3 młrd rubloŭ).
Raniej Nacbank sprahnazavaŭ, što ŭ 2024 hodzie pryrost patrabavańniaŭ bankaŭ da ekanomiki (uklučajučy kredyty pradpryjemstvam i nasielnictvu) składzie nie mienš za 10%.
«Vialiki absalutna čałaviek». Kola Łukašenka raskazaŭ, što dla jaho baćka i ŭ čym jahonaja apazicyjnaść37
Kamientary