U prahramie: razyhranka, uspaminy, jakija filmy źjavilisia na płatformie sioleta,i źnižki na prahlad filmaŭ da 75%.
Hod tamu na płatformie Voblisk upieršyniu prademanstravali biełaruski film. Hod, jak svaim isnavańniem Vodblisk nahladna dakazvaje, što biełaruskaje kino isnuje, i jano raznastajnaje i kłasnaje! Biełaruskaje kino byvaje jak dakumientalnym, tak i hulniavym.
Jaho zdymajuć i režysiory, i režysiorki. Siarod biełaruskich filmaŭ jość jak dramy, hetak i kamiedyi, i navat kryminalnyja filmy. Naša kino padnimaje absalutna roznyja temy: palityka, seks, kachańnie, tvorčaść, uzajemadziejańnie čałavieka i pryrody, bulinh u škole, dyskryminacyja ŁHBT+, pravy žančyn, adroźnieńni kultur, mary, — pieraličvać možna biaskonca.
Ciaham hetaha hoda niezaležnyja stužki biełaruskich režysioraŭ i režysiorak źjaŭlalisia ŭ miedyjatecy štomiesiac. Siońnia dla prahladu dastupnyja ažno 20 filmaŭ! Uspaminajem, jakija filmy źjavilisia na płatformie Vodblisk u pieršy hod isnavańnia.
«Maja babula z Marsa» — kranalnaja dakumientalnaja historyja babuli režysiora Alaksandra Michałkoviča, jakaja paśla vychadu na piensiju pierajechała ŭ Krym, a jon nieŭzabavie akazaŭsia akupavanym Rasijaj i pieratvaryŭsia ŭ «dalokuju płanietu», nakštałt Marsa.
«Miežy» — aŭtarskaje, vielmi aryhinalnaje pa formie paetyčnaje kinaese na temu pošukaŭ svajoj i čužoj, asabistaj i mastackaj identyčnaści ŭ źmienlivym śviecie.
«Kryštal» — iraničnaja kamiedyja ab sutyknieńni kultur, dziakujučy jakoj u Biełarusi ŭpieršyniu za dvaccać hadoŭ źbiraŭsia Oskaraŭski kamitet.
«Sapraŭdnaja amierykanka» — film, za jaki Darja Žuk atrymała pryz za najlepšuju režysuru ad New York Women in Film and Television, raskazvaje historyju studentki z postsavieckaj prastory Ali, jakaja pryjechała pa abmienie ŭ Amieryku i sprabuje zrazumieć adroźnieńni kultur, upisacca i być sapraŭdnaj amierykankaj.
«Chapaj turystaŭ» — jarki karotkamietražny film pra vandroŭnika, jaki vypadkova traplaje ŭ pastku luboŭnaha trykutnika.
«Pavietra ŭnutry jaje» — samaja pieršaja karotkamietražnaja praca Darji Žuk pra šaścihadovuju Kaciu, što sprabuje daśledavać śmierć i žyćcio.
«II» — sučasnaja ihravaja drama pra biełaruskich padletkaŭ, jakaja ŭzdymaje važnyja sacyjalnyja pytańni: bulinh u škole, dyskryminacyja ŁHBT+, seks i niedachop seksualnaj adukacyi.
«Voziera radaści» — całkam biełaruskamoŭny film, źniaty pavodle adnajmiennaha ramana viadomaha biełaruskaha piśmieńnika Viktara Marcinoviča, i raskazvaje historyju dzieviacihadovaj dziaŭčynki Jasi, jakaja vyrašaje źbiehčy ź dziciačaha internata, kab viarnucca dadomu.
«To Ruth» — karotkamietražnaja historyja bieznadziejnaha «kibierkachańnia», stvoranaja pa matyvach realnaha ananimnaha błoha stałkiera, jaki pieraśledavaŭ ulubionuju youtube-błohierku.
«Biełaruski psichapat» — volny pieranos na biełaruskuju hlebu manifiesta amierykanskaha masavaha strałka Elijata Rodžera: u filmie — dača, psichapat i try małaznajomyja dziaŭčyny.
«Zabojstva na Alibiehava» — ihravy kryminalny film na asnovie realnych padziej, zmantavany z sabranych razam tyktokaŭ pra žyćcio poliamornaha trya: Evieliny, Mikity i Lošy.
«Ahulnaja mova» — śmieły i ščyry dakumientalny film ź niekranutymi dyjałohami i niepadrychtavanymi akciorami ŭ asobie baćkoŭ režysiorki Voli Čajkoŭskaj.
«Dačka» — aŭtarskaje vykazvańnie režysiorki Mary Tamkovič na temu baćkoŭstva i pravoŭ žančyn.
«Baba, Vania i kaza» — stužka adlustroŭvaje žyćcio ŭ vioscy z krytyčnym realizmam, raskazvajučy historyju babuli Simy, jakaja chvalujecca za budučyniu syna z ałkaholnaj zaležnaściu i sprabuje zmahacca sa svajoj susiedkaj Hłašaj, jakaja varyć i pradaje samahon u vioscy.
«Pascha Chrystova» — heta pieravažna čorna-biełaje nazirańnie za viernikami ŭ Vialikdzień, kali jany nieminuča ściakajucca ŭ carkvu, na fonie niedabudavanaha žyłoha kompleksu raskładvajuć pryniesienuju z saboj ježu i abmiarkoŭvajuć nadzionnaje.
«Sałamanka» — dakumientalny 40-chvilinny film niebyvałaj pryhažości apisvaje pobyt mieksikanskaha horada, dzie čas niby zamier 200 hadoŭ tamu — z nadychodam mienanitaŭ, prychilnikaŭ adnaho z samych strohich napramkaŭ pratestantyzmu, čyj układ žyćcia ŭ abščynie nie mianiajecca stahodździami.
«Chroniki rtuci» — ŭnikalny film, niepadobny na mnohaje z taho, što vy bačyli, jaki raskazvaje pra štodzionnaje žyćcio byłoj skrypački i talenavitaj piśmieńnicy Kiejt Vuds, jaje brata Kempa i ich siabra Tomi siarod ruin zakinutaha kalifarnijskaha šachciorskaha pasiołka, dzie raniej zdabyvali rtuć.
«Summa» — suziralnaja stužka pra dvuch mastakoŭ i ich siabroŭstva, u filmie nie šmat dynamiki, ale šmat času, kab razhledzieć detali z žyćcia na polskim chutary, i razam z tym, padumać na viečnuju ekzistencyjnuju temu žyćcia i śmierci.
«Čystaje mastactva» — partret Minska ŭzoru kanca 2010-ch hadoŭ, jaki pakazvaje praz pryzmu sučasnaha mastactva i mastaka Zachara Kudzina, jak dziaržava cenzuruje roznyja prajavy svabody ludziej, a pačynaje z taho, što jany bačać vakoł siabie na vulicach horada.
«Čatyry koły dalej ad centra» — stužka ab mocnaj žančynie i zahadkavaj minskaj mastačcy Marynie Kapiłavaj, a taksam pra svabodu ŭ śviecie, jaki ty dla siabie stvaraješ sam.
Z nahody svajho dnia narodzinaŭ VODBLISK abviaściŭ razyhranku dla tych, chto žyvie pa-za miežami Biełarusi i pavinien płacić 5$ za prahlad stužki. Razyhrajuć 3 pakiety, dziakujučy jakim vy zmožacie zadarma pahladzieć lepšyja biełaruskija filmy.
U pieršy pakiet «Izi-pizi» uvachodziać try filmy: «Maja babula z Marsa», «Voziera Radaści», «Čystaje mastactva».
U pakiecie «Prasunuty» ŭžo 6 filmaŭ, da troch stužak z papiaredniaha pakieta dadajucca «II», «Sałamanka», «Ahulnaja mova». Pakiet «Luks» składajecca z 9 filmaŭ, jon dla tych, u kaho surjozny namier raźvitacca sa statusam «usio składana» ŭ adnosinach ź biełaruskim kino. Aproč papiarednich filmaŭ u jaho ŭvachodziać «Dačka», «Biełaruski psichapat», «Summa».
Razyhranka praciahniecca da 21 sakavika, paśla čaho vypadkovym čynam abiaruć pieramožcaŭ. Usie padrabiaznaści ŭdziełu ŭ rozyhryšy jość na staroncy Instagram prajekta.
Ale na hetym nie ŭsio! Dla ŭsich žadajučych da 30 krasavika budzie dziejničać śpiecyjalnaja prapanova sa skidkami na usie 3 pakiety filmaŭ. Dostup da prahladu filmaŭ pakieta «Izi-pizi» možna budzie nabyć za 9,99$.
Filmy z pakieta «Prasunuty» buduć dastupnyja za 14,99$, zamiest 30$. Pakiet «Luks» kaštuje 19,99$, nabyŭšy jaho vy zmožacie pahladzieć 9 unikalnych stužak biełaruskich aŭtaraŭ i aŭtarak i pry hetym zekanomić 61,01$.
Kali vam padabajecca, što robić kamanda kinafiestyvalu «Paŭnočnaje źziańnie» i anłajn-kinateatra biełaruskaha kino Vodblisk, vy možacie padtrymać ich danatam.
Restaŭracyi ŭ Biełarusi zastałosia na try dni. Hałoŭnamu pradpryjemstvu krainy faktyčna padpisali śmiarotny prysud2
Kamientary