U Rasii piensijanierka atrymała 10 hadoŭ kałonii za padpał vajenkamata pa zahadzie machlaroŭ
Jaje pryznali vinavataj u ździajśnieńni teraktu.
Žycharku Sankt-Pieciarburha Alenu Kamaryčavu asukdzili ŭ 1-m Zachodnim akruhovym vajennym sudzie. Jaje pryznali vinavataj u ździajśnieńni teraktu i prysudzili da 10 hadoŭ kałonii ahulnaha režymu.
59-hadovuju žančynu abvinavacili ŭ tym, što jana 7 vieraśnia 2023 kinuła try butelki z zapalnaj sumieśsiu ŭ zapasny vychad pryzyŭnoha punkta, a zatym padpaliła dźviery vajenkamata. Škodu acanili ŭ 37 tysiač rubloŭ (440 dalaraŭ), piša BBC.
Pa danych śledstva, piensijanierka zrabiła heta pa zahadzie machlaroŭ u WatsApp. Nieviadomyja pierakanali žančynu, što złačyncy sprabujuć vykraści jaje hrošy.
Jany vymusili Kamaryčavu pieravieści na ich rachunak 10 młn rubloŭ (118 tysiač dalaraŭ) i navat uziać kredyt.
A zatym ašukancy pierakanali žančynu padpalić budynak, u jakim nibyta chavajucca złodziei. Na dopycie Kamaryčava zajaviła: jana nie viedała, što ŭ budynku znachodzicca vajenkamat.
Na dumku pravaabaroncaŭ, spravu nieabchodna było kvalifikavać pa artykule ab naŭmysnym źniščeńni čužoj majomaści, tady piensijanierka mahła b atrymać umoŭny termin. Adnak śledstva kvalifikavała dziejańni žančyny jak terakt. Abvinavačvańnie zapytvała 13 hadoŭ kałonii.
Uvosień 2023 hoda Rasiju zachlisnuli vypadki padpałaŭ vajenkamataŭ na zamovu telefonnych machlaroŭ.
Chalezin: Nieŭźlin finansuje Chartyju'97 jašče z prezidenckich vybaraŭ 2010 hoda20
Kamientary