Pamior abaronca «Panatynikasa» i zbornaj Hrecyi Džordž Bołdak. 31-hadovaha mužčynu znajšli ŭ basiejnie jaho doma na ŭskrajku Afinaŭ. Abstaviny jaho śmierci pakul nieviadomyja.
Na ciele Bołdaka nie było nijakich paškodžańniaŭ. Śmierć nastupiła za niekalki hadzin da taho, jak jaho znajšli. Pryčyna śmierci budzie ŭstanoŭlena paśla ŭskryćcia, piša football.by.
Bołdak naradziŭsia ŭ Anhlii, ale dziakujučy svajmu pachodžańniu vystupaŭ za zbornuju Hrecyi, za jakuju pravioŭ 12 matčaŭ. Apošni raz u składzie «elinaŭ» abaronca vychodziŭ na pole ŭ matčy plej-of za vychad na Jeŭra-2024.
Hetym letam Bołdak upieršyniu dałučyŭsia da kłuba z Hrecyi. Paśla siami siezonaŭ u «Šefiłd Junajted» jon pierajšoŭ u «Panatynikas». Za afinski kłub Bałdok paśpieŭ pravieści ŭsiaho čatyry sustrečy. 6 kastryčnika jon syhraŭ u matčy Supierlihi suprać «Alimpijakasa» (0:0).
Machlary skrali fatahrafiju biełarusa i ciapier z dapamohaj jaho partretu razvodziać na hrošy žančyn u Rasii2
Kamientary