Pamierła «Žančyna-kotka» — amierykanskaja śvieckaja lvica, jakaja stała viadomaj jak achviara płastyčnaj chirurhii
Pamierła Džoślin Vildenštejn, ńju-jorkskaja śvieckaja ilvica pa mianušcy «Žančyna-kotka». Joj było 84 hady.
Jaje partnior Łojd Klajn paviedamiŭ AFP, što Vildenštejn pamierła ad trombaembalii lohačnaj arteryi ŭ paryžskim pałacy ŭ aŭtorak 31 śniežnia.
Vildenštejn, viadomaja svaimi kacinymi rysami tvaru i luboŭju da płastyčnaj chirurhii, upieršyniu trapiła ŭ zahałoŭki haziet u kancy 90-ch, kali raźviałasia sa svaim bahatym mužam-kalekcyjanieram tvoraŭ mastactva Alekam Vildenštejnam, vyjaviŭšy jaho «ŭ łožku z 19-hadovaj ruskaj madellu», piša The New York Post.
Paśla razvodu jana stała adnoj z samych bahatych ludziej u śviecie, atrymaŭšy kampiensacyju ŭ pamiery 2,5 miljarda dalaraŭ. Akramia taho, jana atrymlivała jašče 100 miljonaŭ dalaraŭ štohadovych vypłat ad Aleka na praciahu 13 hadoŭ.
Adnak da 2018 hoda vielizarnaje bahaćcie źnikła. Vildenštejn padała zajavu ab bankructvie ŭ Ńju-Jorku.
Paśla skasavańnia šlubu z Alekam, jaki pamior u 2008 hodzie va ŭzroście 67 hadoŭ, u Vildenštejn z 2003 hoda pačaŭsia burny 20-hadovy raman z madeljeram Łojdam Klajnam.
Apantanaść žančyny płastyčnaj chirurhijaj była dobra zadakumientavana na praciahu mnohich hadoŭ. Adnak jana zajaŭlała, što nikoli nie rabiła płastyčnych apieracyj.
«Kali ja pakažu vam fatahrafii majoj babuli, vy ŭbačycie hetyja vočy — kacinyja vočy — i vysokija skuły», — kazała jana ŭ adnym intervju.
Kazali, što jana chacieła vyhladać jak kotka z-za lubovi svajho pieršaha muža da kotak.
Niekatoryja znajomyja ličyli, što jaje metaj było vyhladać jak ryś (u śvieckaj ilvicy była ryś u jakaści hadavanca).
U Vildenštejn zastalisia dačka Dyjana i syn Alek-małodšy.
Kamientary