Možna arandavać nie ŭvieś dom, a asobnyja pamiaškańni. Na sajcie Hrodzienskaha centra nieruchomaści źjaviłasia abjava pra arendu cahlanaha doma №9 pa vulicy Syrakomli.
Budynak znachodzicca niepadalok ad pierakryžavańnia z vulicaj Savieckich Pamiežnikaŭ i pobač z muzyčnaj škołaj №2, paviedamlaje Newgrodno.by.
Na vyhlad heta zvyčajny dom davajennaj pabudovy, jakich u horadzie chapaje. Ale nasamreč heta abjekt ź niezvyčajnaj historyjaj. Sprava ŭ tym, što doŭhi čas pa hetym adrasie znachodziŭsia haradski vyćviareźnik. U 2016 hodzie jaho zakryli: sanitarnyja ŭmovy nie adpaviadali sučasnym patrabavańniam. Paźniej vyćviareźnik adkryli pa novym adrasie, a budynak z taho času nie vykarystoŭvaŭsia.
Zaraz jaho prapanujuć uziać u arendu. Jość niekalki varyjantaŭ. Naprykład, arandavać pabudovu całkam (ale praz aŭkcyjon) ci źniać častku pamiaškańniaŭ (biez tarhoŭ).
Ahulnaja płošča pamiaškańniaŭ — heta pieršy pavierch i mansarda — składaje kala 200 kvadratnych mietraŭ. Mebli ŭnutry niama, ale niekatoryja z pakojaŭ jašče nahadvajuć pra svajo byłoje pryznačeńnie.
Hetaja dziaŭčyna vyjšła ŭ centry Hrodna z płakatam «Nie vajnie». Jana raskazała, što pieražyła paśla13
Kamientary