Najhoršy sposab zachoŭvańnia bananaŭ. Voś čamu jany tak chutka čarniejuć
Banany pačynajuć ciamnieć jašče da taho, jak vy paśpiavajecie ich źjeści? Źviarnicie ŭvahu na susiedstva ź inšaj sadavinoj.
Čamu banany ciamniejuć?
Jak tłumačyć polski partał Pysznosci.pl, banany vydzialajuć etylen — haz, jaki paskaraje praces ich paśpiavańnia. Pad uździejańniem etylenu adbyvajecca raspad chłarafiła, što pryvodzić da źmianieńnia koleru skurki z žoŭtaha na karyčnievy ci čorny. Heta asabliva aktualna ŭ ciopłych i vilhotnych umovach.
Kali banany zachoŭvajucca pobač ź inšaj sadavinaj, naprykład, jabłykami, jakija taksama vydzialajuć etylen, praces ciamnieńnia paskarajecca. Darečy, kali zachoŭvać banany ŭ chaładzilniku, ich miakać budzie daŭžej zastavacca śviežaj, ale skurka paciamnieje chutčej.
Dyk jak zachoŭvać banany?
Voś niekalki prostych praviłaŭ, jakija padoŭžać śviežaść i pryvabny vyhlad vašych bananaŭ:
- Admiažujcie ich ad inšaj sadaviny. Pakidajcie banany ŭ asobnym miescy, dalej ad jabłykaŭ, hruš ci inšych «etylenavych susiedziaŭ».
- Vybirajcie suchoje i prachałodnaje miesca, ale nie kładzicie ŭ chaładzilnik, kali chočacie zachavać žoŭty koler skurki.
- Abmatajcie charčovaj plonkaj miesca złučeńnia bananaŭ u hroncy — heta pamienšyć vydzialeńnie etylenu i zapavolić paśpiavańnie.
- Padvieście banany. Kali jość mahčymaść začapić ich za niešta, kab jany źvisali, heta vydatna. Skurka bananaŭ nie budzie dakranacca da pavierchniaŭ, i jany daŭžej zachavajuć pryvabny vyhlad.
Naprykancy varta nahadać, što banany — nie tolki smačnyja, ale i vielmi karysnyja. Jany bahatyja na naturalnyja cukry (hlukozu, fruktozu, sacharozu) i vuhlavody, tamu chutka nasyčajuć arhanizm enierhijaj, što robić ich vydatnym pierakusam dla aktyŭnych ludziej.
Akramia taho, banany bahatyja kalijem, jaki padtrymlivaje zdaroŭje sardečna-sasudzistaj sistemy, a taksama ŭtrymlivajuć tryptafan — aminakisłatu, jakaja spryjaje vypracoŭcy «harmonu ščaścia» — sierataninu.
Vyjšaŭ na svabodu 76-hadovy Siamion Dobkin, brat zasnavalnika EPAM4
Kamientary