U Mahiloŭskaj vobłaści dziaržaŭnyja ŚMI adnamomantna vydalili infarmacyju pra pieradvybarčuju padzieju
Pravaabaroncy z Mayday.team zaŭvažyli, što z sajtaŭ dziaržaŭnych rajonnych i navat abłasnych haziet byli ŭzhodniena vydalenyja raniej apublikavanyja materyjały pra treninhi dla siabraŭ učastkovych vybarčych kamisij.
Heta zrabili, jak minimum, abłasny chołdynh «Mahiloŭskija viedamaści», a taksama rajonnyja vydańni ŭ Čavusach, Kryčavie, Bychavie, Krasnapolli, Drybinie i Škłovie. U kešy Google infarmacyja pra publikacyi zastałasia, ale na samich sajtach jany niedastupnyja.
Taksama infarmacyja była vydalenaja z sajta Čavuskaha rajvykankama, a voś Bychaŭski rajvykankam pakinuŭ infarmacyju, ale biez fatahrafij.
Vierahodna, mienavita fatahrafii siabraŭ učastkovych vybarčych kamisij stali padstavaj dla adnamomantavaha i masavaha vydaleńnia materyjałaŭ.
Pry hetym cikava, što raniej mienavita z Mahiloŭskaj vobłaści pačaŭsia i ci nie najbolš aktyŭna prajšoŭ arhanizavany prapahandystami fłešmob, padčas jakoha nibyta zasakrečanyja členy vybarčaj kamisii zapisvali karotkimi roliki sa svojeasablivym palityčnym «kaminh-aŭtam» i śćviardžeńniem, što siabroŭstvam u kamisii jany navat hanaracca.
«Ja člen vybarčaj kamisii i hetym hanarusia». Łukašysty ładziać novy fłešmob
Nie paśpieła kraina adyści ad akcyi «Nado!», jak pačaŭsia novy respublikanski fłešmob «Pad ściaham krainy»
U Breście čynoŭniki pasprabavali pierabić rekord BRSM pa kolkaści dziaržściahoŭ na kvadratny mietr VIDEA
«Tania, my z taboj!» Ułady zapuścili fłešmob u padtrymku žančyny ŭ čyrvona-zialonym VIDEA
Ułady Biełarusi zapuścili fłešmob: rabotnikaŭ i vajskoŭcaŭ zmušajuć prasić Łukašenku bałatavacca na 7-y termin VIDEA
Jak ciapier vyhladaje palitźniavoleny Ihar Łosik FOTA16
Kamientary