Улад Бумага на форуме ў Пецярбургу праспяваў і станцаваў з Кіркоравым і Цімаці
Аднаго з самых папулярных рускамоўных блогераў, беларуса Улада Бумагу «А4», заўважылі на Пецярбургскім міжнародным эканамічным форуме ў кампаніі расійскіх зорак Цімаці і Філіпа Кіркорава. Відэа іх сумеснага выступу апублікаваў тэлеграм-канал Shot.
Як паведамляе РІА ФАН, якое звязваюць з заснавальнікам ПВК «Вагнер» Яўгенам Прыгожыным, Філіп Кіркораў і рэпер Цімаці падчас форуму «пагутарылі з журналістамі і прыхільнікамі, а таксама сустрэліся з беларускім выканаўцам Уладам Бумагам».
Затым яны разам праспявалі ля стэнда расійскай сацыяльнай сеткі «УКантакце» песню Кіркорава «Цвет настроения синий».
«Паводле наяўнай інфармацыі, падчас гутаркі Кіркораў і Бумага дамовіліся пра яшчэ адну сустрэчу. Аднак дакладнае месца пакуль невядомае», — напісала РІА ФАН.
У пачатку года паведамлялася, што Улад А4 падпісаў кантракт з VK відэа і пакінуў YouTube. Гэта адбылося пасля таго, як YouTube прыпыніў паказ рэкламы гледачам з Расіі.
Цімаці і Філіп Кіркораў раней публічна падтрымалі расійскую ваенную агрэсію супраць Украіны і за гэта трапілі пад санкцыі Кіева.
Першая віцэ-мэр Мінска Надзея Лазарэвіч прайшла праз затрыманне, муж застаўся ў СІЗА11
Каментары