Свет

«З лёгкім ветрам» і «Нарэшце, бро» — што пішуць Байдэну ў твітары

Заява Джо Байдэна аб выхадзе з выбарчай гонкі, апублікаваная ў Х (Твітары), набрала больш за 327 мільёнаў праглядаў і актыўна каментуецца. Выбралі для вас самыя папулярныя каментары.

Джо Байдэн. Фота: Mario Tama/Getty Image

Найбольш станоўчых рэакцый (34 тысячы лайкаў) сабраў каментар, пакінуты аўтарам правага і анты-ЛГБТ аккаўнту Libs of TikTok.

«З лёгкім ветрам. Вы ўвойдзеце ў гісторыю як адзін з найгоршых прэзідэнтаў у гісторыі».

На другім месцы (24 тысячы лайкаў) іранічны каментар, які ўтрымлівае толькі адно слова —

Byeden.

Гэта гульня словаў — спалучэнне прозвішча Biden і слова «bye» (да пабачэння).

16 тысяч лайкаў набраў каментар

«Нарэшце, бро»

аўтара парадыйнага акаўнту Ілона Маска, які мае 1,4 мільёна падпісчыкаў.

Столькі ж лайкаў і ў каментара, што пакінула крайне правая актывістка, прыхільніца разнастайных канспіралагічных тэорый Лаура Лумер (Laura Loomer). Яе ў Х чытае больш за мільён чалавек.

«Цяпер вы разумееце, чаму яны спрабавалі забіць Дональда Трампа. Усё гэта было спланавана».

Вядомы палітычны каментатар, прадпрымальнік і інфлюэнсер кансерватыўных поглядаў Колін Раг (Collin Rugg ), які мае больш за 1,4 мільёна падпісчыкаў у твітары, напісаў:

«Нічога сабе, дэмакраты паспяхова здзейснілі пераварот. Больш ніколі не хачу чуць ад гэтых блазнаў пра «дэмакратыю».

Гэты каментар набраў 11 тысяч лайкаў.

Сярод найбольш упадабаных (10 тысяч лайкаў) — каментар

«Мы маем Джо Байдэна, які адступіў перад GTA6».

Аўтар мае на ўвазе новую гульню, якая павінна выйсці ў 2025 годзе на платформах PlayStation 5 і Xbox Series X|S. У гульні два галоўныя героі, якія займаюцца злачыннай дзейнасцю.

8 тысяч станоўчых рэакцый набраў каментар

«Дэмакраты толькі што выкінулі 15 мільёнаў галасоў»

кансерватыўнага палітычнага стратэга, і падкастэра Джоі Мэнарына (Joey Mannarino), які мае амаль 487 чытачоў у твітары.

Поўны чорнага гумару каментар музычнага прадзюсара Кейлі Мана (Kyle Mann)

«Байдэн будзе спустошаны, калі даведаецца пра гэта»

набраў 7 тысяч лайкаў.

Сярод каментароў можна сустрэць і словы ўдзячнасці Джо Байдэну. Так, па 6 тысяч лайкаў набралі запісы:

«Мы любім цябе, Джо! Закончы свой тэрмін і прысвяці час, што застаўся, сям'і і сябрам, мы працягнем тваю справу! Ме пераможам ад твайго імя» і «Найлепшы прэзідэнт за апошнія дзесяцігоддзі — дзякуй, што дапамагаеце выратаваць Украіну, і дзякуй, што робіце правільныя рэчы!»

Каментары

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

Усе навіны →
Усе навіны

«Людзі саромеліся, што прыехалі. Яшчэ і кантракт на год падпісваеш». Блогеры расказалі пра закуліссе кастынгу на праўладнае рэаліці-шоу8

У краме ў Гродне адкрылі скрынку з хурмой. А там — гекон2

БелТА замест «ізраільскі» пачала пісаць «сіянісцкі»11

Экс-кіраўніку Нагорнага Карабаха Баку выставіў 45 абвінавачванняў. Яму пагражае пажыццёвае1

15-гадовая вучаніца ўчыніла стральбу ў школе ў Амерыцы. Двое забітых і пяцёра параненых1

Старшыня суда Хойніцкага раёна папрасіўся ў адстаўку па ўласным жаданні1

Жыхарка Пінска прадала аўтамабіль 2018 года за 600 рублёў. Што пайшло не так?1

Скандал ва Украіне: вайсковец катаваў падначаленых і прыкрываўся сваімі сямейнымі сувязямі7

Тры сцэнары, па якіх «Белтэлекам» стане мабільным аператарам9

больш чытаных навін
больш лайканых навін

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

«Найчасцей да нас на кантроль прыходзіла Дрыга». Былы акцёр РТБД — пра цэнзуру ў тэатры, новага міністра культуры і здымкі ў польскай рэкламе

Галоўнае
Усе навіны →