Novyja hrafici ad Vulica Brasil i ich adrasy FOTA
17 vieraśnia ŭ Minsku zavieršyŭsia biełaruska-brazilski fiestyval urban-artu «Vulica Brasil». Mastaki ź Biełarusi i Brazilii napraciahu miesiaca razmaloŭvali Minsk, kab horad vyhladaŭ bolš sučasnym i pryvabnym.
Užo siońnia ich tvory źjaŭlajucca słavutaściu stalicy Biełarusi, a ŭ sacyjalnych sietkach źjaŭlajecca ŭsio bolš fota na fonie novych murałaŭ.
Kali vy raptam nie paśpieli pabačyć novyja murały ad «Vulica Brasil», to śpiašajciesia paznajomicca z aŭtarami, a dla taho, kab vam było praściej znajści hetyja miescy, dałučajem adrasy.
Finok
Rafael Sahara aka Finok žyvie i pracuje ŭ San-Paŭłu, a ŭ Minsku jon namalavaŭ hrafici u dvuch miescach: na Niamizie i Kastryčnickaj. Svaim pieršym hrafici mastak pasprabavaŭ stvaryć kulturny miks: jak upłyvy z roznych kutočkaŭ śvietu budujuć kulturny stryžań Brazilii.
Vyjava na tramvai pryśviečanaja pamiaci brazilskaha mastaka Žuze Boržesa.
Grino & TAME
Z advarotnaha baku taho ž tramvaja prysutničaje hrafici ad biełaruskaha mastaka Grino & TAME. Vuličny mastak Vasilij Grino adlustravaŭ pładavity sad, dzie ludzi źbirajuć uradžaj i mirna baviać čas, hrajuć na hitary, śpiavajuć pieśni i znachodziacca ŭ jadnańni z pryrodaj.
Bazinato
Idziem dalej. Na toj ža Kastryčnickaj, prajšoŭšy ŭhłyb vulicy, možna pabačyć vialikaje hrafici biełaruskaha mastaka z Maładziečna Bazinato. Mastak namalavaŭ dreva-vienu, u jakim niešta adbyvajecca.
L7M
Praciaham hrafici maładziečanskaha mastaka źjaŭlajecca murał brazilca z San-Paŭłu — Łuisa Marcinsa aka L7M. Hraficist adlustravaŭ temu źnikajučych ptušak Brazilii i Biełarusi. Ptuška źjaŭlajecca spałučanym vobrazam zialonahałovaj tanahry i viartlavaj čarotaŭki.
Speto
Spuściŭšysia dalej, možna zaŭvažyć vialiki čorna-bieły murał ad mastaka z San-Paŭłu Speto aka Paŭłu Sezar Siłva. Hraficist vykarystaŭ kontury časavych pajasoŭ Brazilii i Biełarusi, u jakija ŭpisaŭ matyvy suśvietnaj pop-kultury.
Novaje hrafici źjaŭlajecca siońnia adnym z samych papularnych siarod biełaruskamoŭnych i karystajecca popytam asabliva ŭ maładych par. A ŭsio z-za pryhožaha słova «nazaŭždy»:
Imai Yusk
Brazilski mastak amierykanska-japonskaha pachodžańnia, jaki ciapier žyvie ŭ Hiermanii, da apošniaha momantu nie moh skazać, što jon budzie malavać. Sprava ŭ tym, što dla Imai Juska murał — heta mahčymaść daviedacca pra ludziej u Minsku i dać im niešta ad siabie. Prykładna takim i atrymałasia jaho hrafici — zavualavanym i zahadkavym.
Cowek & Moss Town Studio
Biełaruskija mastaki Jaŭhien Maciuta aka Cowek i Julija Stratovič (Moss Town Studio) namalavali kantrasnaje hrafici pobač ź biustam Lenina i hanarovaj doškaj. Ich praca źjaŭlecca dadatkam da papiaredniaha vialikaha murała.
Ramon Martins
Nu i da samaha składanaha hrafici, napeŭna, u historyi Minska. Brazilski mastak Ramon Marcins namalavaŭ vialikaje pano ź niekalkich błokaŭ i bieźličču elemientaŭ. Idučy pa Kastryčnicaj, jaho prosta niemahčyma nie zaŭvažyć:
Zubr, pieŭnik, busieł, aleń — niekatoryja vobrazy mastak prydumlaŭ užo ŭ pracesie malavańnia. Ale vyjšła jarka i ź biełaruskim kantekstam. Adziny minus — da hrafici nielha padabracca nadta blizka, bo terytoryja abharodžana.
Ci bačyli vy ŭžo novyja hrafici ŭžyvuju? Jakoje vam bolš za ŭsio spadabałasia? Vykazvajciesia ŭ kamientach!
Kamientary