«Žujka z kamiennaha vieku»: navukoŭcy atrymali DNK žančyny, jakaja žyła 6000 hadoŭ tamu
Heta tvar žančyny, jakaja žyła 6000 hadoŭ tamu ŭ Skandynavii.
Dziakujučy śladam zuboŭ, jakija jana pakinuła ŭ staražytnaj «žujcy», navukoŭcy zmahli atrymać DNK dla rasšyfroŭki jaje hienietyčnaha koda, piša bbc.com.
Heta pieršy vypadak, kali ŭvieś hienom čałavieka byŭ atrymany z čahości, akramia čałaviečaj kostki, adznačajuć daśledčyki.
Napeŭna, u žančyny była ciomnaja skura, ciomna-rusyja vałasy i błakitnyja vočy.
Doktar Chanies Šreder z Kapienhahienskaha ŭniviersiteta skazaŭ, što «žujka» — na samaj spravie biarozavy dziohać — vielmi kaštoŭnaja krynica staražytnaj DNK, asabliva dla pieryjadaŭ času, ad jakich u nas niama pareštkaŭ čałavieka.
Uvieś hienietyčny kod žančyny byŭ rasšyfravany i vykarystany dla raspracoŭki madeli jaje vyhladu.
Jana była hienietyčna bližejšaja da źbiralnikaŭ i palaŭničych z macierykovaj Jeŭropy, čym da tych, chto ŭ toj čas žyŭ u centralnaj Skandynavii. I jak u žycharoŭ Zachodniaj Jeŭropy, u jaje była ciomnaja skura, ciomna-rusyja vałasy i błakitnyja vočy.
Chutčej za ŭsio, jana pachodziła ź mihrantaŭ, jakija pryjšli z Zachodniaj Jeŭropy paśla adstupleńnia ledavika.
Heta byŭ pieryjad, kali sielskaja haspadarka i pryručanyja žyvioły ŭpieršyniu źjavilisia na poŭdni Skandynavii.
Daśledčyki taksama znajšli DNK bakteryj, jakija zachoŭvalisia ŭ «žujcy». Jany vyjavili chvarobatvornyja mikraarhanizmy, jakija vyklikajuć infiekcyjny monanukleoz i pnieŭmaniju, a taksama šmat inšych virusaŭ i bakteryj, jakija naturalna sustrakajucca ŭ rocie, ale nie vyklikajuć chvarob.
DNK zatrymałasia ŭ čorna-karyčnievym kavałku biarozavaj smały, atrymanaj pry nahravańni biarozavaj kary, jakaja ŭ svoj čas vykarystoŭvałasia dla sklejvańnia kamiennych instrumientaŭ.
Rečyva było razžavana, mahčyma, kab zrabić jaho bolš miakkim, ci, mahčyma, palehčyć zubny bol.
DNK z «žujki» taksama daje ŭjaŭleńnie pra toje, jak evalucyjanujuć chvarobatvornyja mikraarhanizmy. «My možam vyvučyć, jak jany raźvivalisia i čym jany adroźnivajucca ad štamaŭ, jakija my majem siońnia», - skazaŭ doktar Šreder.
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary