Brytanski prync Endru vybłytaŭsia sa spravy ab seksualnym hvałcie. Jon zrabiŭ pazoŭnicy «istotnaje achviaravańnie»
Syn karalevy Vialikabrytanii Lizaviety II prync Endru ŭrehulavaŭ spravu ab seksualnym hvałcie, uzbudžanuju suprać jaho ŭ ZŠA Virdžynijaj Džufre, paviedamlaje Bi-bi-si.
Džufre, jakoj ciapier 38 hadoŭ, padała ŭ sud na hiercaha Jorkskaha, śćviardžajučy, što jon trojčy prymusiŭ jaje da seksualnych adnosin, kali joj było 17 hadoŭ. Virdžynija Džufre była siarod žančyn, jakija padali ŭ sud na finansista Džefry Epštejna, abvinavačvajučy jaho ŭ vykarystańni niepaŭnaletnich u metach seksualnaj ekspłuatacyi.
Epštejn skončyŭ žyćcio samahubstvam u turmie ŭ 2019 hodzie, čakajučy sudovaha razboru pa hetaj spravie. Virdžynija abvinavačvała jaho ŭ tym, što jaje zdavali ŭ seksualnuju «arendu» ŭpłyvovym ludziam, siabram i partnioram Epštejna, uklučajučy prynca Endru.
Prync Endru nieadnarazova admaŭlaŭ hetyja abvinavačvańni. U dakumiencie, pradstaŭlenym u sud ZŠA ŭ aŭtorak, havorycca, što para dasiahnuła pazasudovaha pahadnieńnia.
Pahadnieńnie ŭklučaje, u tym liku, «istotnaje achviaravańnie na karyść spadaryni Džufre», vynikaje z sudovych dakumientaŭ.
U pahadnieńni taksama skazana, što prync Endru nikoli nie mieŭ namieru ačarnić asobu spadaryni Džufre i jon pryznaje, što jana stała achviaraj žorstkaha abychodžańnia i niespraviadlivych publičnych napadaŭ.
Taksama ŭ im pryvodziacca słovy hiercaha Jorkskaha ab tym, što jon vysoka šanuje śmiełaść Virdžynii Džufre i inšych ludziej, jakija pieražyli hvałt.
Advakat Virdžynii Devid Bojs nie staŭ kamientavać dasudovaje pahadnieńnie, zajaviŭšy ahienctvu Press Association, što jano havoryć samo za siabie.
Zrešty, Endru i biez taho ŭžo panios z-za hetaj spravy vialikija reputacyjnyja straty. U studzieni hetaha hoda Bukinhiemski pałac abviaściŭ, što vajennyja tytuły i karaleŭskija abaviazki prynca Endru, treciaha syna karalevy, byli ź jaho źniatyja. Jon taksama nie moža bolš aficyjna vykarystoŭvać tytuł Jaho Karaleŭskaja Vysokaść.
Čytajcie taksama:
Lizavieta II pazbaviła svajho syna Endru čynoŭ i tytułaŭ. Jaho vinavaciać u zhvałtavańni
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary