Čas raspranacca. 10 raznastajnych sukienak i lohkich kaściumaŭ ad biełaruskich dyzajnieraŭ
Viasna była nie samaj ciopłaj, ale narešcie možna pakrysie skidvać ź siabie vopratku i vyhulvać viasnova-letnija łuki. Pahladzieli, jakija navinki prapanujuć u hetym siezonie biełaruskija dyzajniery.
Brend PSHENICA zvyčajna pracuje ź ilnom, i ŭ ich vialiki vybar sukienak z hetaha materyjału. Ale jość i rečy z muślinu, hałoŭnaja pieravaha jakoha ŭ tym, što jaho možna nie prasavać.
U takoj «ziefirnaj» sukiency vy budziecie siabie adčuvać, «jak u abłačyncy» — pišuć tyja, chto ŭžo pasprabavaŭ jaje ŭ našeńni.
Kvietkavyja prynty — kłasika viasnova-letniaha siezona, jany pra svabodu i žanockaść. Takija varyjanty možna znajści ŭ brenda The Young Clothes.
Takuju madel možna nasić jak z pojasam, padkreślivajučy taliju, tak i bieź jaho.
Košt: 170 BYN
Za ramantyčnym łukam možna taksama naviedacca ŭ kramu 9.22_store. Na vybar — sukienki ŭ haroch, kvietkavyja i baročnyja matyvy ci voś takaja jarkaja «halivudskaja» sukienka, jak na fota.
Košt: 190 BYN
U sukienku sapraŭdnaj pryncesy ci navat niaviesty prapanuje pieraapranucca dyzajnierka Kacia Cikota. Na joj — reč-transformier: sarafan možna nasić jak z nakidkaj, tak i bieź jaje.
Sarafan: 220 BYN, nakidka — 250 BYN.
Amataraŭ svabodnych siłuetaŭ i stylu kežuał moža skaryć sukienka-sarafan z bavoŭny ad ZNWR. Madel Assol — «lohkaja, jak letni viecier» — nie zaminaje rucham i pradajecca ŭ niekalkich kolerach: ad čornaj kłasiki da lehkadumnaha bezu.
Košt: 210 BYN
Adnačasova strohuju i hullivuju sukienku prapanuje dyzajnierka Iryna Bojcik: jaje možna lohka apranuć i na pracu, i na spatkańnie. Tym bolš tkanina vielmi kamfortnaja: sumieś šoŭku z bavoŭnaj. Ale adna z hałoŭnych razynak karałava-aranžavaj sukienki — pryhožy vyraz, što adkryvaje klučycy.
Košt: 515 BYN
Lubicie spartyŭny styl? Znojdziecie varyjanty ŭ dyzajnierki, jakaja zasnavała CHOŁOD™. Chacia brend stvaraje taksama vielmi žanockija sukienki z sarafanami. Ale dla rassłablenaha łuku rekamiendujem źviarnuć uvahu na takija voś doŭhija majki z vyšyŭkaj, jakija možna nasić jak z džynsami, tak i asobna.
Nikoli nie stracć svajoj aktualnaści i ŭniviersalnaści sukienki-kambinacyi. Ich kłasna spałučać sa śvitšotami, kardyhanami ci žakietami nu i, viadoma, nasić jak samastojnyja rečy. U kamandy 10motifs — dosyć bahataja koleravaja palitra: čornyja, małočna-ružovyja, błakitnyja, izumrudnyja i srebranyja.
Kłasičnyja siłuety «z razynkaj», jakija i robiać vobraz niepaŭtornym — heta mocny bok adzieńnia ad MUA. Naprykład, u takoj sukiency z adkrytaj śpinaj i jarkim pryntam vy dakładna nie zastaniaciesia biez uvahi.
Košt: 199 BYN
Kali chočacca jarkaha, viasnovaha, ale sukienki — nie vaša tema, varta zahlanuć pa niezvyčajnyja sakavityja kaściumy da dyzajnierki Volhi Kardaš. Trend siezona — błakitnyja i žoŭtyja rečy, u jakich vy dakładna nie zastaniaciesia niezaŭvažanaj.
Košt: 265.97 jeŭra
Čytajcie taksama:
«Śvitary raskupili za dzień». Biełaruskaja dyzajnierka raskazała pra biznes u Vilni i ŭkrainskuju kalekcyju
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich23
Kamientary