Dźmitryjeŭ raskazaŭ niemcam, čaho Łukašenka moža chacieć ad Jeŭropy
Andrej Dźmitryjeŭ daŭ intervju niamieckamu vydańniu, u jakim zakranuŭ mahčymaje adnaŭleńnie dyjałohu pamiž biełaruskimi ŭładami i ES, a taksama rol Biełarusi na pieramovach pa Ukrainie.
Eks-kandydat u prezidenty, były kiraŭnik hramadskaha abjadnańnia «Havary praŭdu» Andrej Dźmitryjeŭ u listapadzie naviedaŭ Hiermaniju. Tam jon mieŭ sustrečy ŭ Bundestahu, a taksama daŭ intervju vydańniu Tagessspigel. Jano vyjšła na hetym tydni. Znajomim z asnoŭnymi momantami.
Jak viadoma, u studzieni 2023 hoda palityk byŭ zatrymany i paśla asudžany na paŭtara hoda pazbaŭleńnia voli. Jon byŭ pryznany palitviaźniem. Całkam adbyŭšy termin, Dźmitryjeŭ vyjšaŭ na volu 20 krasavika 2024 hoda.
Niamieckim žurnalistam mužčyna raskazaŭ, što ŭ dzień vyzvaleńnia jaho zabrali siabry na svajoj mašynie.
«Treba było jak maha chutčej pakinuć Viciebskuju vobłaść, dzie raźmiaščajecca kałonija, — takim było patrabavańnie ŭładaŭ. My spynilisia adrazu na pieršaj zapraŭcy za Viciebskam, ja vypiŭ kavy i patelefanavaŭ dzieciam pa videasuviazi.
Ja nie moh strymać śloz. U łahiery mnie dazvalałasia razmaŭlać ź siamjoj tolki dva-čatyry razy na miesiac — pa dziesiać chvilin kožny raz. Ciapier my raptam mahli razmaŭlać tak doŭha, jak nam chaciełasia. Heta było samaje cudoŭnaje», — zhadvaje były palitviazień.
Za čas u kałonii Dźmitryjeŭ dvojčy traplaŭ u ŠIZA.
Čym ciapier zajmajecca?
Dźmitryjeŭ raskazaŭ žurnalistam, što ciapier jon razam sa svajoj kamandaj «intensiŭna pracuje na miascovym uzroŭni»:
«My padtrymlivajem, naprykład, prajekty, jakija tyčacca biełaruskaj historyi, kultury i movy. Karaciej kažučy, hetyja inicyjatyvy nakiravany nie na toje, kab być suprać čahości, a na toje, kab znajści sposaby padtrymać ludziej i prasoŭvać našy ahulnyja kaštoŭnaści».
Pra što prasiŭ Dźmitryjeŭ?
Pa słovach Dźmitryjeva, «ES zanadta šmat zasiarodžvajecca na sankcyjach suprać siłavoha aparatu».
«Biełaruś — heta značna bolš, čym Łukašenka. (…) Jeŭropie važna mienš zasiarodžvacca na pakarańni adnaho čałavieka, a bolš na padtrymcy dzieviaci miljonaŭ biełarusaŭ, jakija žyvuć u krainie. Ciapier usio naadvarot: z kožnym dniom my ŭsio bolš hublajem suviaź ź Jeŭropaj», — vykazvaje svoj punkt hledžańnia palityk.
Dźmitryjeŭ zaklikaŭ Jeŭropu «trymać kanały suviazi adkrytymi, inakš Biełaruś budzie ŭsio bolš skočvacca ŭ zaležnaść ad Rasii — palityčnuju, ekanamičnuju i sacyjalnuju».
«Maja vialikaja zaniepakojenaść tym, što ŭ Biełarusi adnojčy znoŭ źjavicca šaniec na źmieny, ale kraina budzie ŭžo nastolki izalavanaja ad Zachadu, što tolki Kreml budzie mieć na jaje ŭpłyŭ».
Dźmitryjeŭ ličyć, što asnoŭnym napramkam pavinien być kulturny abmien. Jon nahadvaje, što takaja forma supracoŭnictva była jašče za savieckim časam. Akramia hetaha jamu b chaciełasia bolš prapanoŭ z boku jeŭrapiejskich partnioraŭ, aryjentavanych na miascovaje nasielnictva, a taksama adukacyjnych prahram.
Pa słovach Dźmitryjeva, ciapier Łukašenka sprabuje źnizić hramadskaje napružańnie, vyzvalajučy častku palitviaźniaŭ, ale pry hetym zachavać kantrol nad situacyjaj. A taksama pravieryć, ci mahčyma adnavić dyjałoh z Zachadam.
«Ja dumaju, što jon choča daviedacca, ci možna adnavić niekatoryja kanały suviazi — asabliva z ulikam mahčymych budučych pieramovaŭ ab spynieńni vajny va Ukrainie», — adznačaje palityk.
«Dla Biełarusi taksama mnohaje pastaŭlena na kartu. Hetyja pieramovy pakažuć, ci budzie Biełaruś udzielničać jak samastojny subjekt ci ŭ składzie Rasii. Adnosiny Łukašenki z Uładzimiram Pucinym zusim nie prostyja; poŭnaja zaležnaść ad Maskvy nie ŭ jaho intaresach», — davodziŭ jon.
Dźmitryjeŭ ličyć, što
«na mahčymych pieramovach Biełaruś pavinna być pradstaŭlenaja jak suvierennaja dziaržava — niezaležna ad taho, jak vy [Jeŭropa] staviciesia da Łukašenki».
«Ciapier važna nie dapuścić poŭnaha spaŭzańnia krainy ŭ zonu ŭpłyvu Maskvy. Tady nie było b bolš šancaŭ na demakratyčnyja pieramieny».
Dźmitryjeŭ raskazaŭ niemcam, čaho Łukašenka moža chacieć ad Jeŭropy17
Kamientary
Naprimier oni nie raskačivajut łodku pri łukašienko v obmien na čiestnyje i diemokratičieskije vybory pośle łukašienko.
Tut 2 klučievych momienta. Dažie jeśli sdiełka nie sostaitsia , pośle śmierti łukašienko budiem vakuum vłasti. I v etot momient mirnyje protiesty i zabastovka ili nie očień mirnyje mohut srabotať. Pri vakuumie vłasti pośle śmierti łukašienko,čiem libieralnieje riežim i bližie k ES tiem lehčie diemokratizirovať budiet stranu.Čiem tatalitarnoje hosudarstvo s tysiačami političieskich zaklučiennych.
Vtoroj momient pojaviłaś vns. I jeśli pośle śmierti łukašienko priezidient i priedsiedatiel vns budut raznyje ludi,faktičieskij eto dvojevłastije.
Čto sozdajet usłovija dla rievolucii kak v Kazachstanie.
Naprimier kakaja vierojatnosť v tiečienii 10 let(primierno stoka proživiet łukašienko) diemokratizirovať stranu čieriez rievoluciju pri niem? I počti 100% vierojatnosť diemokratizirovať stranu v słučaje diałoha pośle jeho śmierti. To jesť čieriez 10 let +-2 hoda.