Viedajecie adčuvańnie, kali niešta płavaje pierad vačami? Voś adkul jano
Kali doŭhi čas hladzieć na jarkaje śviatło, a potym pieravieści pozirk u inšy bok, moža skłaścisia ŭražańnie, što pierad vačami płavajuć dziŭnyja pałoski, nitki i kropki. Zvyčajna jany chutka źnikajuć i zrok robicca narmalnym. Ci značyć hetaja źjava, što z vačami niešta nie tak?
Hetyja dziŭnyja vobrazy ŭ miedycynie viadomyja jak pamutnieńni škłavidnaha cieła, to-bok adnoj z častak našaha voka. Nasamreč pałoski dy nitki, jakija my bačym, znachodziacca ŭnutry voka, tłumačyć medonet.pl.
Vočny jabłyk zapoŭnieny padobnaj da žele masaj — škłopadobnym ciełam, i časam u im źjaŭlajucca pamutnieńni. Hetyja ŭčastki ruchajucca ŭśled za ruchami voka i pavolna pieramiaščajucca, nibyta płyvuć.
Kali pamutnieńni znachodziacca blizka da centra pola zroku, jany mohuć adciahvać uvahu i prynosić dyskamfort. Čaściej za ŭsio ich možna zaŭvažyć na jarkim i jasnym fonie, naprykład, kali vy hladzicie na śnieh, stol ci na nieba, a taksama na fonie manitora kampjutara.
Pamutnieńni ŭ škłopadobnym ciele nie ŭpłyvajuć na jakaść zroku, ale varta źviarnuć uvahu, ci šmat takich plam bačyć čałaviek i ci nie praciahvajecca hetaja źjava doŭhi čas. U niekatorych vypadkach pamutnieńni prybirajuć chirurhičnym šlacham.
Adnoj z pryčyn takich pamutnieńniaŭ mohuć być źmieny ŭ škłopadobnym ciele. Na 99% jano składajecca z vady, ale jašče tam jość kałahien. Jon utvaraje kraty, jakija ŭtrymlivajuć malekuły vady, i kali kałahien razburajecca, źjaŭlajucca vałokny, ź jakich i ŭtvarajucca pamutnieńni.
Kali ž na muški pierad vačami skardzicca małoje dzicia, jany mohuć być reštkami hiałoidnaj arteryi — sasuda, jaki isnuje ŭ vočnym jabłyku padčas unutryvantrobnaha raźvićcia dziciaci i nasyčaje chrustalik padčas jaho raźvićcia. Potym arteryja atrafirujecca, ale časta unutry voka zastajucca jaje reštki.
Płakać — karysna, ale rabicie heta pravilna
U čym karyść kłubnic i ŭ jakich abjomach ich varta jeści
-
Minzdaroŭja: Rost zachvorvańniaŭ na vostryja reśpiratornyja infiekcyi čakajecca ŭ kancy studzienia — lutym
-
«Ja hladzieła na siabie hołuju ŭ lusterku i kazała: «Źmirysia!» Lucyja Hieraščanka raspaviała pra svoj dośvied z «Azempikam»
-
Nie ŭsie ŭltraapracavanyja pradukty adnolkava škodnyja. Niekatoryja možna śmieła jeści
«Admyvaŭ haŭno z unitazaŭ, my tam jak samyja končanyja». Błohier Vadzim Vadimati Jermašuk — pra toje, jak žyŭ u kałonii ŭ «nizkim statusie»36
Kamientary